KUERPO POLISIAL KÒRSOU 

KOMUNIKADO DI PRENSA

383/2026

31 òktober 2026 

Detenshon pa destrukshon i menasa 

Djasabra 31 di òktober 2026 alrededor di 00.20’or, Sentral di Polis a dirigí un unidat di warda di polis di Montaña pa un adrès na St. Joris, pa un kaso  di destrukshon. 

Na kaminda pa e kas el a topa e denunsiante maskulino, ku a indiáa na polis ku e dama ku kua e ta biba, a kibra su winshil di outo i menas’é ku un  arma blanku. 

Esaki, debí na diskushon ku nan tabatin anteriormente. 

Polis a bai ku e hòmber na e adrès enkestion i einan a topa e muhé sospechoso N.T.Z. di 55 aña di edat nasé na Repúblika Dominicana. El a keda detené na e sitio pa destrukshon i menasa. 

A presentá e sospechoso dilanti di un fiskal ouksiliar ku a ordená su  enkarselamentu pendiente di mas investigashon.