ÉKSITO INTERNASHONAL DI BOGOTÁ TA REAFIRMÁ E DIREKSHON DI MI KAS AWOR

FKP ta mira ku satisfakshon e rekonosementu internashonal ku Bogotá a risibí pa su programa di bibienda Mi Casa en Bogotá.

Na mart 2023, Luis Felipe Henao i Simón Gaviria a presentá na FKP e eksperensianan kolombiano riba programanan di kas pa kompra. Representantenan di e fundashonnan di bibienda di e anterior Antianan Hulandes tabata presente durante e enkuentro.

Na e momento ei, Minister Charles Cooper a ekspresá su vishon pa Kòrsou desaroyá un instrumento similar, ku por yuda yu di Kòrsou haña akseso na kompra di nan propio kas mediante un supsidio. Despues, e minister a tuma e desishon stratégiko di profundisá e konosementu di e modelonan kolombiano.

E trayekto di interkambio di konosementu aki a kontribuí na desaroyo di e modelo lokal ku awe nos konosé komo Mi Kas Awor.

Awor, tres aña despues, Mi Casa en Bogotá a gana e World Smart City Award 2026 den e kategoria Housing, entre 533 postulashon for di 68 pais. E programa a risibí rekonosementu pa su enfoque integral, ku ta kombiná akseso na bibienda, renovashon di bario, mobilidat i inklushon.

E premio ta pa Bogotá, pero e mensahe ta universal: un programa di bibienda bon strukturá por transformá bida, bario i ekonomia.

FKP ta felisita Bogotá i tur e ekspertonan ku a kompartí nan konosementu ku Kòrsou. E rekonosementu aki ta reafirmá ku e direkshon ku Kòrsou a skohe ku Mi Kas Awor ta relevante, moderno i basa riba eksperensia internashonal.

Un vishon ku a kuminsá ku interkambio di konosementu, awe ta bira un instrumento propio di Kòrsou pa yuda mas famia bira doño di nan propio kas.

Fundashon Kas Popular (FKP)

INTERNATIONAAL SUCCES VAN BOGOTÁ BEVESTIGT DE KOERS VAN MI KAS AWOR

FKP kijkt met tevredenheid naar de internationale erkenning die Bogotá heeft ontvangen voor haar woningbouwprogramma Mi Casa en Bogotá.

In maart 2023 presenteerden Luis Felipe Henao en Simón Gaviria bij FKP de Colombiaanse ervaringen met programma’s die gezinnen ondersteunen bij de aankoop van een eigen woning. Vertegenwoordigers van de volkshuisvestingsorganisaties van de voormalige Nederlandse Antillen waren eveneens bij deze bijeenkomst aanwezig.

Tijdens die bijeenkomst sprak minister Charles Cooper zijn visie uit dat Curaçao een vergelijkbaar instrument moest ontwikkelen, waarmee Curaçaose gezinnen via een koopsubsidie toegang kunnen krijgen tot een eigen woning. Vervolgens nam de minister het strategische besluit om de kennis over de Colombiaanse modellen verder te verdiepen.

Dit traject van kennisuitwisseling heeft bijgedragen aan de ontwikkeling van het lokale model dat wij vandaag kennen als Mi Kas Awor.

Nu, drie jaar later, heeft Mi Casa en Bogotá de World Smart City Award 2026 gewonnen in de categorie Housing, uit 533 inzendingen uit 68 landen. Het programma werd onderscheiden vanwege zijn integrale aanpak, waarin toegang tot huisvesting, wijkvernieuwing, mobiliteit en inclusie samenkomen.

De prijs is voor Bogotá, maar de boodschap is universeel: een goed gestructureerd woningbouwprogramma kan levens, wijken en de economie duurzaam veranderen.

FKP feliciteert Bogotá en alle deskundigen die hun kennis met Curaçao hebben gedeeld. Deze internationale erkenning bevestigt dat de koers die Curaçao met Mi Kas Awor heeft gekozen relevant, eigentijds en gebaseerd is op internationale ervaring.

Een visie die begon met het uitwisselen van kennis, groeit vandaag uit tot een eigen Curaçaos instrument waarmee meer gezinnen eigenaar kunnen worden van hun eigen woning.

Fundashon Kas Popular (FKP)