Dreamteam i Pichingolo Nissan Kampion di liga CSB/MCB

curacao-softball

Dreamteam i Pichingolo Nissan Kampion di liga CSB/MCB

Despues di un par di dia ku hopi awaseru, e team di CSB a mobolisa pa por hunga e weganan no 3 ajera djadumingu na Post 6. E prome wega tabata den maskulino ku e hobenanan di Dreamteam ganando di e ekipo di Harlem Power ku skor di 12 pa 5 asina titula kampion di Korsou den softbol fastpich maskulino. E wega a jega te den di 6 inning empata na 5 kareda, pero den bom di 6 inning Dreamteam ta habri afo pa bin gana e wega 12 pa 5. Pa Dreamteam 12 kareda 11 hit i 0 eror. Picher ganador a resulta Wendley Serberie i miho na bate pa Dreamteam a resulta Lutjson Roberto di 4-3. Pa Harlem Power 5 kareda 8 hit i 2 eror. Picher perdedo a resulta Rayshel Sambo i miho na bate pa Harlem Power Alexander Rodriquez di 2-1. MVP di e serie final aki a resulta Wendley Serberie ku a gana tur 3 partido pa dreamteam komo picher.
Despues 18:00 tabatin e wega den femenino doble A ku Pichingolo Nissan fasil riba Eagles Softex ku skor di 16 pa 2, asina titula kampion den femenino doble A. E wega bai relativamente fasil pa Pichingolo ku a kaba den 4 inning. Pa Pichingolo 16 kareda 10 kareda i 1 eror. Picher ganador a resulta Chantal Neponucemo i miho na bate pa Pichingolo Ciroenda Peloz di 4-3. Pa Eagles Softex 2 kareda 4 hit i 3 eror. Picher perdedo a resulta Nazira Martis i miho na bate pa Eagles a resulta Loeyendra Valentijn di 2-2.

Promoshon/degradashon
Djaluna 28 novèmber e weganan di promoshon i degradashon ta kontinuá ku 2 partido. E promé wega 19:00 ta bai entre Nos tei Office Supply vs Demolition Cartel nv i pa 21:00 Soto CMTC vs Vipers. Na Buenavista ballpark.

Djarason 30 november pa 19:00 Vipers vs Nos tei Curacao Office Supply i pa 21:00 Demolition Cartel nv vs Soto CMTC na stadion di Post 6.
Entrada pa e weganan aki lo ta gratis.

This site uses Akismet to reduce spam. Learn how your comment data is processed.

error: Content is protected !!
%d bloggers like this: