Advertisements

Instalashon grupo di trabou ‘aspektonan posishon hurídiko di trahadónan den enseñansa’

Instalashon grupo di trabou ‘aspektonan posishon hurídiko di trahadónan den enseñansa’

WILLEMSTAD – Dia 10 di ougùstùs 2016, Eks Minister di Enseñansa, Sra. Irene Dick, i sindikato SITEK a sera un ‘Konvenio di Enseñansa’ tokante sirkunstansianan di trabou. Den kuadro di e konvenio aki, Minister di Enseñansa, Siensia, Kultura i Deporte (ESK&D) aktual, Sr. Hensley Koeiman, a instalá un grupo di trabou ku e nòmber ‘Grupo di Trabou Aspektonan Posishon Hurídiko’. Tarea prinsipal di e grupo di trabou aki ta pa sòru pa ehekushon di e palabrashonnan di e Konvenio aki ku tin di aber ku drechamentu di posishon hurídiko di personal di enseñansa na Kòrsou. E grupo di trabou aki ta konsistí di representantenan di ministerio di ESKD i direktivanan di skol.
Ku instalashon di e grupo di trabou aki Minister Koeiman ke konkretisá ku ehekushon di e palabrashonnan den e konvenio ku SITEK ta ser realisá pa asina yega na un mehorashon notabel di e posishon hurídiko di e personal di enseñansa na Kòrsou.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: