ANGEL SALSBACH TA KLA HUNTU KU SALSBACH JAZZ TRIO Pa Fundraising di Art & More, Arte Heals I CCC + PIC

ANGEL SALSBACH TA KLA HUNTU KU SALSBACH JAZZ TRIO Pa Fundraising di Art & More, Arte Heals I CCC + PIC

WILLEMSTAD- Dia 9 i 10 di yüni awor Salsbach Jazz Trio a hinka un tremendo repertorio den otro i bo no por keda afó. Djabièrne último tabatin un jamming session úniko. Pero e evento grandi ta e siman aki i Art & More huntu ku Art Heals I CCC ta konta ku bo presensiá riba e dos dianan aki pa rekoudá fondo pa ekspreshon di Arte. Dos anochi di ekspreshon di pintura, bon musika di jazz. Meta di e evento aki ta pa e fundashonnan krea mas posibilidat pa tur hende tin e oportunidat di ekspresá nan talento den e mundu di arte plástiko. “Mi ta orguyoso di e proyekto aki pa motibu ku nos fin no ta di lukro! Nos ke sigui yuda hopi organisashon rònt Kòrsou i esaki ta un paso grandi ku nos ta duna pa yega asina leu”,asina sra. Morgaine Parris kordinadó di e proyekto ta splika.
Angel Salsbach i Etzel Provence tabata forma parti di “Tropical Combo” den añanan 1962 pa 1964. E banda musikal aki tabata toka tur sorto di muzik, pero en espesial foxtrot. Un dado momentu aktividat di “Tropical Combo” a bira menos i di ripiente Angel a haña un invitashon di e “Indische Vereniging”, di e tempu ei, pa toka na un aktividat di nan. Den e añanan ku ta sigui, SJT no a sali masha den publisidat, komo ku Angel a bira diputado i e no tabatin muchu tempu. 29 di september 2001 Angel a haña un derame serebral. Su rekuperashon musikal a bai dje rápido ei, ku na yanüari 2002 nan a duna dos presentashon na su kas pa tur e hendenan ku a yud’é.
2003 – SJT a toka atrobe pa públiko den forma di un konsierto pa e hendenan di e
Asosiashon di Afasia na C.C.C. Awor SJT a sali ku “Pepito” Reyes na drùms.
2004 – Aktuashon spesial en konekshon ku presentashon di Angel su buki: “Skirbi
sin por lesa”.
– Presentashon pa habitantenan di Betèsda riba Dia di Tata.
– Konsierto pa Soroptimisten Club na C.C.C.
– Presentashon na Kas di Gezaghebber, durante un atardi Kultural organisá pa
Stichting Vrienden Openbaar Onderwijs. Si bo ta djòin nos registrá na tempu! Yama 737-9094,690-9433, of 518-8050. Bo por registra via angelparris1963@gmail.com. Bo kontribushon 75 florin i nos ke sa ki biña bo gusta.

..SJT deleitando pueblo di Kòrsou….pa un goso total…

…Arte na Kòrsou meresé un desaroyo positivo i Art & More huntu ku Art Heals i CCC ta konta ku bo….

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: