Kaso penal kontra sra. Jacintha Constancia relashoná ku maltrato dia 23 di febrüari 2017 den Parlamento di Kòrsou.

Info OM:
Awe merdia 21 di yüni 2017 Fiskal di Ministerio Publiko (OM) Kòrsou a hasi un demanda den Korte di 200 ora di kastigu di trabou di kual 60 ora kondishonal, 2 aña proeftijd i 2 aña “ontzetting uit ambt” kondishonal.

Esaki den kaso penal kontra sra. Jacintha Constancia relashoná ku maltrato dia 23 di febrüari 2017 den Parlamento di Kòrsou. Ta akusá sra. Constancia di maltrato na unda el a dal miembro di Parlamento sra. Gisele Thijsen-McWilliam den su kara kousando entre otro ku su nanishi a sangra. Tambe ta akusá e sospechoso di a menasá miembro di Parlamento sra. Elsa Rozendal. Ambos viktima a entregá denunsia na Landsrecherche kontra e sospechoso.

Sigun Fiskal no tin base pa e pensa ku sra. Constancia por defende su mes riba imunidat den Parlamento. Maltrato no ta kai bou di lei di  imunidat.

——–

No ta konosi ainda si Wes ta duna veredikto mesora awe, of riba un otro fecha despues. Mas awero ta bai tin klaridat riba esaki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: