KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

INTERNASHONAL

“Urgente” Gubierno di Venezuela

Gobièrnu di Repúblika Bolivariano di Venezuela ta informá suidadano Venezolano i na e pueblonan ruman di mundu riba e atakenan armá ku a keda realisá ayera djamars atardi dia 27 di yüni kontra di sede di Ministerio di Poder Popular pa Relashonnan Interior, Hustisia i Pas i tambe di TSJ, tur dos ubika na Caracas, komo parti di un akshon eskala golpista kontra di Konstitushon di Repúblika Bolivariano di Venezuela i su institushonnan.
Tur dos atake a keda ehekutá for di un helikòpter Airbus Bolkow, modèl 105, marká CICPC 02, ku a keda hòrta for di e base Aérea Generalísimo Francisco de Miranda, na La Carlota, Caracas, dor di un suheto ku ta hiba di nòmber Oscar Alberto Pérez, kende pa kometé e atentado aki a hasi uso di su kondishon komo inspektor di e Divishon di Transporte Aéreo di CICPC.
E persona aki a bula ku e helikòpter te ora ku ela yega edifisionan di Ministerio di Poder Popular di Relashonnan Interior, Hustisia i Pas ku ta keda na Avenida Urdaneta i a ehekutá no ménos ku 15 disparo kontra di e edifisio, miéntras ku na e momentunan ei riba e balkon tabata tumando lugá un agasaho di komunikadonan sosial dor ku ayera a selebrá Dia Nashonal di Periodista na Venezuela. Na momentu ku e atake aki a tuma lugá, e lugá tabata konta ku komo 80 persona.
Despues a hiba e helikòpter pa e sede di TSJ, hustamente na momentu ku ei tabata tin huesnan den un reunion den e Sala Konstitushonal di e tribunal máksimo i tambe un grupo di trahadónan ku tabata na trabou na e momentunan ei. Kontra di e personanan aki nan a lansa disparo i tambe kuater granat di orígen kolombiano i fabrikashon israelí, di kual unu no a bula i a keda konfiská. Dos di e granat nan aki a keda lansa kontra di efektivonan di GNB ( Guardia Nashonal Bolivariano) ku tabata kuida e edifisio. Danki na un reakshon rápido di e personal aki, nan a evitá tragedia.
E outor material di e echonan aki ta keda investigá pa su vínkulo ku e Agensia Sentral di Inteligensia i tambe Embahada di Estádos Unídos na Caracas, komo tambe e eks Minister di Interior ku resientemente a konfirmá públikamente su kontakto ku CIA.
Pa Gobièrnu Bolivariano ta trata aki di atakenan di karakter terorista, marka pa ofensiva insurekshonal adelantá ku faktornan ekstremista di e derecho Venezolano ku sosten di Gobièrnunan i poder estranhero.
Tantu FANB i e kuerpo di seguridat di e Estado na e momentunan aki tin un mishon pa kaptura e outor di e echonan aki i tambe rekobrá e helikòpter.
Ta hasi un apelashon na esnan ku por duna un aporte pa yuda ku informashon riba paradero di e elemento aki i komuniká ku outoridatnan mediante di telefon 911.
Gobièrnu Bolivariano ta hasi un apelashon na partidonan polítiko, esnan ku ta den Mesa di Unidat Demokrátiko, na lidernan di iglesianan i tambe na sosiedat Venezolano pa kondena e echonan aki pa unabes i semper stòp ku violensia.
Gobièrnu Bolivariano ta hasi un yamada na pueblo Venezolano pa keda alerta pa e oumento di akshonnan golpista ku ta bai kontra di e órden konstitushonal na Venezuela i a keda demostrá ku ken ku ta dispuesto pa hasi esaki pa logra su ambishon polítiko i ekonómiko.
Ningun di e atakenan aki lo wanta aktivashon di e porseso popular konstituyente ni lo stroba e ehersisio di derechi di voto di parti di pueblo Venezolano dia 30 do yüli próksimo pa elihí e miembronan nobo di Asamblea Nashonal Konstituyente.
E presidente konstitushonal di Repúblika Bolivariano di Venezuela, Nicolás Maduro Moros, kende ayera a enkabesá entrega di e Premionan Nashonal di Periodismo, ta dilanti su ekipo di Gobièrnu dirigiendo e akshonnan pa defendé e seguridat i trankilidat di e pueblo Venezolano.
Awe mas ku nunka ta bia bida palabranan di Komandante Hugo Chaves: Unidat, Lucha, Bataya i Viktoria.
Caracas 27/06/2017

Leave a Reply

This site uses Akismet to reduce spam. Learn how your comment data is processed.