Prome Minister Evelyn Wever-Croes: CONFIANSA DI CONSUMIDOR TA MEHORA

Prome Minister Evelyn Wever-Croes:

CONFIANSA DI CONSUMIDOR TA MEHORA

Den e publicacion recien di Banco Central tocante e Confiansa di Consumidor, Banco Cental ta inica cu esaki a mehora den e ultimo trimester di 2018. Esaki segun e ultimo resultadonan di e Encuesta di Confiansa di Banco Central di Aruba.

E Indice di e Situacion Actual tambe a mehora den e ultimo trimester di 2018. Consumidornan tabata positivo riba nan situacion personal financiero actual, como cu e indice aki a bira optimista.

E Indice di Expectativanan ta esun cu a mehora mas hopi den e trimester bou di revision. Consumidornan tabatin expectativanan positivo riba nan situacion personal financiero, como cu e indice aki a bira optimista y 41,6% di respondientenan a indica cu nan situacion personal financiero lo ta miho den e siguiente 6 luna.

Prome Minister Evelyn Wever-Croes: “Pa Aruba esaki ta un bon noticia pasobra esaki ta mustra cu e consumidor ta hayando confiansa bek. Gobierno di Aruba ta trahando pa tur reto financiero y economic encontra wordo transforma den solucionnan na beneficio di nos pueblo. Ora cu e consumidor tin confiansa, nos economia ta crece.

Por haya e publicacion completo di Banco Central na e website https://www.cbaruba.org.