SER a organisá un simposio dia 9 i 10 di mei ultimo

SER a organisá un simposio dia 9 i 10 di mei ultimo

Dia 9 i 10 di mei ultimo Sociaal-Economische Raad (SER) Kòrsou, SER di Aruba i SER di Sint Maarten a organisá un simposio tokante migrashon i desaroyo sosial ekonomiko, desafionan di maneho i opshonnan den e kuadro aki. Meta di e simposio ta pa, huntu ku benefisiarionan, eksplorá opshonnan di maneho ku ta relashoná ku e pregunta, kon por saka mas benefisio for i minimalisá e gastunan di migrashon laboral relashoná ku desaroyo sosio ekonomiko duradero di e tres paisnan. Oradornan di entre otro International Organization for Migration (IOM), Migration Policy Institute (MPI), Caribbean Migration Consultations (CMC), UNHCR, konsulado Canades na Bogota, Universidat di Kòrsou, Universidat di Sint Maarten i Think To Do Institute, a duna presentashonnan di topikonan relashoná ku tendensianan global den maneho di migrashon laboral i maneho di refugiadonan, posibilidatnan i desafionan di migrashon (mitonan i malkomprondementunan, kontroversianan etc.), konklushonnan ku base empiriko tokante e relashon entre migrashon i desaroyo sosial ekonomiko duradero i señansanan saká riba maneho di migrashon for di un perspektiva Karibense.
E simposio a keda spesialmente organisá pa trahadónan den maneho i personal ehekutivo di diferente ministerio di e tres paisnan, representantenan di organisashonnan di dunadónan di trabou i empleadonan, miembronan di Sociaal-Economische Raad di e tres paisnan, NGO nan, politikonan, universidatnan i migrantenan. Ademas di e kantidat grandi di intresadonan ku a duna nan nòmber pa e simposio, Gobernador interino, minister-president di Kòrsou, presidente di Staten i demas funshonarionan di posishon haltu tambe a hasi akto di presensia.
_DSC0937
_DSC0938
_DSC0939
_DSC0940
_DSC0942
_DSC0944
_DSC0945
_DSC0946
_DSC0952
_DSC0955
_DSC0956
_DSC0957
_DSC0958
_DSC0960
_DSC0962
_DSC0963
_DSC0965
_DSC0969
_DSC0971
_DSC0974
_DSC0975
_DSC0977
_DSC0987
Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: