KÒRSOU LO TA ANFITRION PA E CONCACAF WOMEN’S U-17 QUALIFIER  DI 21 PA 25 DI OUGÙSTÙS PRÓKSIMO!

KÒRSOU LO TA ANFITRION PA E CONCACAF WOMEN’S U-17 QUALIFIER 

DI 21 PA 25 DI OUGÙSTÙS PRÓKSIMO!

 

Kòrsou tin e honor di ta e anfitrion di grupo D di e CONCACAF Women’s U-17 Qualifier. 

Esaki ta e partidonan di kualifikashon pa e CONCACAF Women’s U-17 Championship ku lo tuma lugá otro aña. Na tur tin 16 pais ku ta partisipá na e torneo aki. Nan a keda repartí den 4 grupo (A, B, C i D) di 4 pais. Grupo D ta konsistí di St. Vincent, Bahamas, Guyana i naturalmente nos selekshon nashonal di dama kategoria U-17. E ekipo ganadó di kada grupo ta klasifiká pa e CONCACAF Women’s U-17 Championship.

 

Despues di dianan di preparashon i training intensivo nos muchanan ta práktikamente kla pa nos kompromisonan di e kampionato di CONCACAF kategoria U-17. E partidonan aki lo tuma lugá dianan 21, 23 i 25 di ougùstùs próksimo den Stadion Ergilio Hato. Riba kada dia lo tin 2 partido di kua Kòrsou ta hunga semper delaster. Karchinan pa e partidonan aki ta optenibel na e lokètnan di SDK promé ku wega i ta na balor di fl.5,- pa adulto miéntras mucha di 6-12 aña ku 60+ ta paga solamente fl.3,-.

 

Skema di e CONCACAF Women’s U-17 Qualifier:

 

Fecha Orario Tim di kas Bishitante Stadion
1 21 oug.19 6:00 pm Bahamas St Vincent Stadion Ergilio Hato
2 8:30 pm Kòrsou Guyana Stadion Ergilio Hato
3 23 oug.19 6:00 pm St. Vincent Guyana Stadion Ergilio Hato
4 8:30 pm Kòrsou Bahamas Stadion Ergilio Hato
5 25 oug.19 5:00 pm Guyana Bahamas Stadion Ergilio Hato
6 7:30 pm Kòrsou St. Vincent Stadion Ergilio Hato

 

Pueblo di Kòrsou kompletu ta keda kordialmente invitá pa bin mira kiko tur nos damanan tin aden! Nos ta spera un i tur pa bin apoyá i sostené nos selekshon nashonal di dama U-17!

 

Keda pendiente pa mas informashon…

 

19 ougùstùs 2019

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: