Fasilidat di Awa i Brùg na Playa di Maripampun, mihó konosí komo Pier

Willemstad, 13 di yanüari 2020

 

Presidente di Parlamento di Kòrsou

Señor W. Millerson

Wilhelminaplein # 4

PRESENTE

 

Señor Millerson,

 

Pa medio di e karta aki, hasiendo uso di artíkulo 96 di Reglamentu di órden di Parlamento, mi kier pidi bo persona pa dirigí e karta athunto na Minister di GMN, señora S. Camelia-Römer.

 

Danki pa e koperashon.

 

Atentamente,

 

Juniël Carolina

Miembro di Parlamento

pa frakshon di MFK

Minister di GMN

Señora S. Camelia-Römer
PRESENTE

Kòrsou, 13 di yanüari 2020


Tópiko: Fasilidat di Awa i Brùg na Playa di Maripampun, mihó konosí komo Pier


Señora Minister Camelia-Römer,

Pa medio di esaki suskrito Juniël Carolina, miembro di Parlamento di Kòrsou pa frakshon di MFK ta aserka bo persona komo minister enkargá ku Salu Medio Ambiente i Naturalesa (GMN) ku e siguiente preokupashon di siudadanonan ku ta hasi uso di e playa na Maripampun konosí komo Pier. 

 

Mi persona a wòrdu aserka dor di usuarionan i piskadónan ku  ta bishita i hasi uso e playa menshoná, ku e reklamo ku for di dia ku e “badmeester” i “beheerder” di Pier na Maripampun a fayesé, ku e playa no ta dispone di un konekshon o fasilidat di awa dushi pa medio di un konekshon di Aqualectra.

 

E awa tabata sirbi pa usuarionan lokal i turista, pero tambe pa muchanan i adultonan ku ta práktika e deporte di landamentu por a laba nan kurpa promé i despues di hasi uso di e playa. Tambe e awa tabata sirbi pa na momentu ku hasi uso di e tualèt na Pier.

 

E usuarionan a sigui splika ku dor komo ku no tin awa e tualèt no por wòrdu usa. Prinsipalmente nos grandinan mester bai den un área no deseá o skonde tras di vehíkulonan stashoná pa hasi nan nesesidat.

 

Gerensia di e dos restorant nan na Pier, a kuminsá kansa di e molèster ku kada bes usuarionan di e playa ta bin pidi pa hasi uso di nan tualèt miéntras ku esakinan ta destiná pa nan empleado i klientenan. 

 

Banda di e reklamo di awa, e usuarionan e reklamá tambe ku e brùg ku e grandinan i persona desabilitá tabata hasi usa di dje pa yega den e playa, ku gobièrnu a laga kita esaki i no a pone un otro na su lugá. Sin brùg esnan menshoná tin hopi problema pa baha i yega den e playa i ta trompeká, ku e chèns ta grandi ku nan por hasi nan mes daño pa falta di e brùg aki. 

 

Komo miembro di Parlamento pa frakshon di MFK mi persona a bai tuma nota di e situashon i konforme artíkulo 96 di reglamentu di órden mi ta aserka señora Minister ku e siguiente preguntanan pa por yega na un solushon;

 

  1. Señora Minister ta na altura di e situashon di falta di awa i e brùg na playa Maripampun Pier?

 

  1. Señora Minister ta na altura di e konsekuensianan negativo ku pa falta di awa i e brùg ta trese kuna pa e usuarionan di Pier?

 

  1. Ki dia señora Minister tin pensa di laga konektá fasilidat di awa i instalá un otro brùg bek, pa asina e usuarionan lokal i turistanan por sigui hasi uso di e fasilidatnan ya menshoná?

 

  1. Señora Minister por informá Parlamento, ki dia ta duna atenshon na e playa menshoná?

 

  1. Señora Minister por informá Parlamento konta ku e fasilidatnan di tualèt i konekshon di awa na e otro playanan públiko di Kòrsou?

 

Nos ta spera un kontesta mas pronto posibel di parti di minister debí ku manera ya menshoná e situashon aki ta preokupá e usuarionan i mirando ku e playa aki ta wòrdu usa pa hopi ku ta sufri di un desabilidat pa nan hasi terapia, ta na su lugá pa duna e problema aki prioridat. 

 

Atentamente,

      

 

Juniël Carolina

Miembro di Parlamento

pa frakshon di MFK

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: