Djaluna 24 di ougùstùs 2020, durante kontinuashon di reunion general di direktiva di Movementu Futuro Kòrsou (MFK) a tuma lugá elekshon pa un direktiva nobo di MFK.

Djaluna 24 di ougùstùs 2020, durante kontinuashon di reunion general di direktiva di Movementu Futuro Kòrsou (MFK) a tuma lugá elekshon pa un direktiva nobo di MFK.

 

Miembronan di presente na e reunion aki a skohe señor Sithree van Heydoorn komo presidente i konforme statutonan di MFK, lider polítiko tambe ta forma parti di direktiva di MFK. E sobra miembronan di direktiva ta komo lo siguiente;

 

• Dr. Dorothy Pietersz-Janga –   Sr. Ramon Yung
• Mr. Drs. Javier Silvano –   Sr. Rigolleto Thode
• Sr. Giovanni Atalita –   Sr. Socrates Morales
• Sr. Juniel Carolina

 

Presidente nobo di MFK no ta un deskonosí den e partido i tampoko den e arena polítiko. Señor Sithree van Heydoorn ta miembro di MFK for di aña 2010

 

Na 2012 su persona a forma parti di direktiva di MFK, i tabata enkargá ku e funshon di tesorero, na 2014 su persona a wòrdu elegí pa aklamashon komo sekretario general di MFK.

 

Na elekshon di direktiva di aña 2017, su persona no a postulá su mes pa miembro di direktiva.

 

Señor van Heydoorn ta konsiente ku e tarea aki no ta fásil i ku tin retonan ku mester enfrentá i surpasá, retonan finansiero, un elekshon ku ta na kaminda, mester buska miembronan nobo i keda traha riba e imágen di nos partido.

 

Pero huntu ku sobra miembronan di direktiva, nos lo traha duru pa superá tur e retonan aki.

 

Señor van Heydoorn tambe a ser apuntá komo lider di kampaña pa MFK i nos lo traha duru pa un resultado di elekshon kaminda MFK mester superá e kantidat di sinku (5) asiento ku na e momentonan aki e partido ta dispone di dje.

 

Komo presidente di direktiva i tambe lider di kampaña señor van Heydoorn ta konta ku apoyo di tur ku di un forma òf otro ta sostené MFK i ku kada un di nos lo sa di traha duru i huntu pa MFK sali di porta grandi dia 19 di mart 2021.

 

Un palabra di gradisimentu na tur miembro pa e konfiansa depositá den e miembronan ku ta forma e direktiva nobo.

 

Bou di mi liderato nos lo bai intensiva e komunikashon ku miembronan i duna mas atenshon na e logronan positivo ku durante di añanan MFK a logra riba tereno polítiko i ku ayudo na esnan ménos pudiente.

 

Kòrsou, 25 di ougùstùs 2020,

 

Sithree A. van Heydoorn

Presidente di MFK