Delegashon di MFK a hiba kombersashon ku gerensia di Refineria Isla (PDVSA) aki na Kòrsou

 

Delegashon di MFK a hiba kombersashon ku gerensia di Refineria Isla (PDVSA) aki na Kòrsou

 

Djaluna 26 di òktober 2020, un delegashon di MFK ku a konsistí di Gilmar Pisas, lider polítiko di MFK i Sithree van Heydoorn presidente di MFK a hiba kombersashon ku gerensia di Refineria Isla (PDVSA) na e edifisio di PWFC.

 

Manera ya indiká ku pa partido MFK ta importante pa interkambiá ku diferente “stakeholders” nan pa por risibí mas tantu informashon posibel pa asina por prepará un plan di akshon ku ta dirigí riba nesesidatnan ku ta biba den nos komunidat i serka. 

 

Durante di e reunion aki representantenan di Refineria Isla (PDVSA) tabata presente señora Vanessa Flores direktor i señor Lucas Beaujon manager di departamento di rekurso humano. Durante di e kombersashon aki a interkambiá riba diferente tema di importansia. Pa nos di MFK tabata hopi importante pa a risibí informashon riba pago di redundansia ku ainda e empleadonan di refineria mester risibí.

 

Frakshon di MFK a tuma bon nota di tur e preokupashonnan ku ta biba serka gerensia di Refineria Isla (PDVSA), pero tambe nos a keda sorpresa pa e trato no elegante ku a duna Refineria Isla (PDVSA). Un Kompania ku durante 35 aña a kontribuí na kaha di gobiernu, na ekonomia di Kòrsou i ku donashonnan supstansial na diferente instituto aki na Kòrsou. 

 

Pa medio di esaki, MFK kier gradisí señora Vanessa Flores direktor i señor Lucas Beaujon pa e oportunidat brinda na nos organisashon polítiko i pa un kombersashon ku a duna nos di MFK hopi informashon balioso.

 

Gilmar “Pik” Pisas

Lider Polítiko di MFK