E di 24 edishon di Torneo Fabb ta kanselá pa motibu di Covid-19

E di 24 edishon di Torneo Fabb ta kanselá pa motibu di Covid-19

WILLEMSTAD – Direktiva di Fundashon Akademia Baseball Brievengat (FABB) despues di konsulta interno i ku otro ekspertonan mester a tuma e desishon doloroso pa kanselá e torneo anual pa hóbennan di Minor League i Little League. Mirando desaroyonan rondó di e pandemia di Covid-19 i pa protekshon di nos hobenanan i mayornan no ta responsabel pa organisá un torneo di e magnitut aki ku ta konta ku partisipashon tur aña di kasi 400 hóben i esaki tresiendo públiko grandi huntu. FABB ta lamentá ku nos hóbennan pelotero e aña aki no por konta riba e torneo ku semper ta sirbi komo un ‘warm-up’ promé ku kampionato di Little League inisiá. Esaki lo tabata e di 24 edishon di e Torneo Fabb. Direktiva di FABB ta spera sinseramente ku e situashon di Covid-19 por normalisá mas pronto ku ta posibel ya asina nos hóben peloteronan por práktika nan deporte faborito di beisbòl i ku pa otro aña e torneo aki por keda reanudá. Pa medio di esaki ta pidi un i tur pa sigui kuida.

This site uses Akismet to reduce spam. Learn how your comment data is processed.

%d bloggers like this: