Seshon di informashon riba proyektonan di lei ku MFK a entrega pa ser evaluá dor di e órganonan di estado
Seshon di informashon riba proyektonan di lei ku MFK a entrega pa ser evaluá dor di e órganonan di estado
Manera ya konosí frakshon di MFK a entrega di proyekto di lei na Parlamento. E dos proyekto di leinan aki ta trata e siguiente tópikonan;
- Eksonerashon di impuesto riba penshon di behes
- Fasilidat pa saneá debe bieu di belasting
MFK a krea oportunidat pa tur esnan ku ta interesá por risibí mas informashon riba e proyekto di leinan aki. Por inskribí pa partisipá na e seshon di informashonnan aki.
MFK komo organisashon responsabel tin ku tene kuenta ku medidanan di COVID-19, dor di esaki ta solamente 30 partisipante por partisipá na kada seshon di informashon.
Por inskribí pa un di e siguiente fecha nan, yamando na nos sede na number di telefòn 724 7766 i/òf por manda mail na info@mfk.cw.
E fecha nan di e seshonnan ta komo lo siguiente i lo trata tur dos proyekto di lei;
| 02 febrüari | Djamars 10.00-11.30 or di mainta |
| 04 febrüari | Djaweps 14.00-15.30 or di atardi |
| 09 febrüari | Djamars 10.00-11.30 or di mainta |
| 11 febrüari | Djaweps 14.00-15.30 or di atardi |
| 20 febrüari | Djasabra 17.00-18.30 or di atardi |
| 28 febrüari | Djadumingu 11.00-12.30 or di mèrdia |
E mainta di informashon ta tuma lugá na ABC Opleiding & Training,ku ta situá Roodeweg 100. E seshonnan di informashon ta grátis i tur partisipante ta hanja un pasaboka i limonada.
Tambe MFK kier informá ku nos ta duna ayudo di forma gratuito na pueblo di Kòrsou pa por yena papel di belasting
Si un pagadó di belasting tin ku yena papel di belasting òf tin problema ku belastingdienst e por tuma kontakto ku MFK pa hasi un sita na e number i mail ya menshoná pa traha un sita.
Di e forma aki nos ta trata na duna nos granito i kontribushon na un proseso di informashon i ayudo profeshonal na pueblo di Kòrsou.
Saludo,
Mr. Drs. Javier Silvania
Kandidato nr 4 riba lista di MFK
