KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Partido Democraat ku Interkambio di informashon ku Curaçao Indian Business Association. 

Partido Democraat ku Interkambio di informashon ku Curaçao Indian Business Association. 

 

Preokupashon grandi bou di komersiantenan Indio; no a sobra muchu espasio finansiero pa mantené nan negoshi habrí na diferente parti di Kòrsou.

 

Riba 8 di mart último Partido Democraat a sinta ku Curaçao Indian Business Association kaminda tabatin un interkambio di preguntanan i informashon den un ambiente masha amistoso.

 

Duranto e enkuentro Partido Democraat a kontestá varios pregunta di preokupashon di banda di e asosiashon representando e komersiantenan Indio den nos komunidat, i tambe Partido Democraat por a duna un amplio splikashon di su programa di partido i tambe di su plan di reskate ekonómiko ku e tin prepará.

 

E preokupashon mas grandi ku a bini dilanti ta ku varios miembro di e asosiashon di komersiantenan Indio a duna di konosé ku nan no a sobra muchu espasio finansiero pa mantené nan negoshi habrí i asina tambe manteniendo kuponan di trabòunan.

 

Despues di e reunion ku Partido Democraat a tene ku e asosiashon aki, lider polítiko di Partido Democraat sra. Elsa Rozendal a hasi un bishita serka diferente komersiante Indio den a área di Otrobanda pa mira i eksperensiá e situashon pa su mes.

Partido Democraat ta haña sumamente importante pa tin díalogo kontinuo ku sektor privá pa tende unda nan sapatu ta pèrta i pa trese alivio lo mas rapido posibel den esaki, pasobra no por permití niun negoshi mas sera ni niun siudadano mas pèrde trabòu.

 

Leave a Reply

This site uses Akismet to reduce spam. Learn how your comment data is processed.