Spich di Gezaghèber Edison Rijna riba 16 di mart 2021

 

Spich di Gezaghèber Edison Rijna riba 16 di mart 2021

 

Kralendijk – Kerido pueblo,  

Mi ta dirigí mi mes na boso awe pa anunsiá algun medida drástiko.  Medidanan ku mi mester a tuma  debí na e sifranan alarmante di hende ku a pega ku  e vírùs di corona aki na Boneiru. A tèst resientemente 158 hende, i 62 di nan a tèst positivo.  Awe nos tin na tur 298 kaso aktivo di COVID-19!    

 

Boso ta kòrda ku semper mi a bisa ku si situashon no drecha, lo mi no duda pa tuma medida drástiko.  Mi ke pa un i tur komprondé gravedat di e situashon ku nos ta aden awor.  Siman pasá  djaweps mi a bisa ku nos lo a keda den fase 5 pasobra nos tabata spera di mira efekto positivo di e medidanan ainda. 

 

Ta di lamentá ku te ainda nos no ta mirando un bahada di e kantidat di  kasonan aktivo, siendo ku  e medidanan pisá ta na vigor 12 dia kaba. E situashon aktual ta eksigí medida drástiko.  E ta eksigí tambe pa  kada un di nos kumpli, mi ta ripití kumpli ku e reglanan.  E medidanan nobo ta drenta na vigor otromañan djaweps 18 di mart 2021 pa un periodo di dos siman.  Entrante djaweps awor Boneiru ta pasa di nivel di riesgo 5 pa nivel di riesgo 6. Ke men Boneiru ta bai den lockdown.

 

Banda di e e medidanan ku ta konta pa nivel di riesgo 6, ta  introdusí un toke de keda di  21:00 or di anochi te 04:00 or di mardugá. Durante e toke de keda ta prohibí pa bo ta riba kaya. Ta solamente hende ku mester ta riba kaya pa trabou, òf ku tin pèrmit, por ta riba kaya di 21:00 or di anochi pa 4 or di mardugá. Si un hende mester ta na Huisartenpost òf mester bai hospital pa kuido, e tin mag di ta riba kaya. Polis, Direktorado di Supervishon i Mantenshon huntu ku KMar ta kontrolá ku man duru si hende ta tene nan mes na e toke de keda. 

 

Banda di e medidanan ku ta konta pa nivel 6, ta bini tambe ku lei seku. Ta prohibí pa bende alkohòl na snèk i bar/restorant. Ta prohibí tambe pa bebe alkohòl riba kaya òf den espasio públiko durante dia i anochi.   

 

Ta permití establesementu di hóreka pa hasi entrega di kuminda. Por hasi esaki te 20:00 or. Hende por pasa buska kuminda,  pero no tin mag di para den rei pa take out. Personal di establesementu di hóreka mester entregá e kuminda na outo òf den vehíkulo. Ora un hende pasa buska kuminda, e mester keda sinta den outo. Por buska kuminda estilo take out te 20:00 or. Konforme medida di nivel di riesgo 6, restorant i bar di hotèl por keda habrí pero solamente pa wéspet di hotèl. 

 

Tienda esensial manera supermerkado por keda habrí, ta permití un hende so di kada kas di famia pa drenta.   

 

Tur tienda no esensial mester keda será. 

Tur alumno ta sigui haña enseñansa pero di distansia ke men di no na skol. Nan ta haña lès digital.  Skol ta keda será i ta habri bèk 12 di aprel 2021, esta despues di vakashon di pasku di resurekshon.

 

Akohida di mucha tambe ta será. 

 

Mirando nos situashon, mi ta urgi tur misa, kèrki, iglesia i moskei pa por fabor keda será te ora situashon  drecha atrobe.  Ta rekomendá pa tene misa, sirbishi òf orashon digital.  

Por praktiká deporte individual pero pafó, no paden! 

 

Pa asina leu ta posibel trahadónan mester keda traha na kas. Un súplika ta bai na tur doño di negoshi i mènedjer. Por fabor organisá un chekeo di salú pa personal promé ku nan kuminsá traha. Tur trahadó ku tin keho mester bai kas i traha sita pa tèst. Esaki ta na interes di un i tur. 

 

Manera ta konosí e tipo ingles di e vírùs di corona ta na Boneiru. I e ta plamando i pegando hende lihé na nos isla. E úniko manera pa nos para esaki ta, pa tuma medida mas pisá i kumpli ku nan. Nos ta mira ku te ainda tin hopi famia òf hende ta bishitá otro, te asta bishitá hende malu. Mi ke enfatisá ku esei no ta posibel durante lockdown. 

 

Mi ta konsiente ku e medidanan nobo tin impakto grandi den nos forma di biba. Ku hende por sinti nan mes inkómodo òf asta infelis pasobra nan no por move libramente mas awor ku ta bai tin toke di keda i lei seku.  Ta importante pa nos sigui hasi ehersisio físiko den e dianan ku ta na kaminda. Pa kome bon i biba salú. I wak pa nos drumi na tempu i sosegá sufisiente. Mi ta hasi un yamada na un i tur pa nos tira bista riba otro den e tempunan akí. Si bo ripará ku e situashon ta hasi bo deprimí, buska ayudo. Papia ku bo hendenan. Tuma kontakto ku bo dòkter di kas i laga e konsehá bo kiko bo por hasi. 

 

Mi ta hasi un yamada urgente pa tur hende kuida. Kuida i sigui kuida. Kumpli i sigui kumpli ku e medidanan. Nos tin chèns pa kambia e situashon na nos fabor. Ta dependé di abo, ami di nos tur si nos ta logra. Nos por. Basta nos ke.

 

 

Toespraak van Gezaghebber Edison Rijna op 16 maart 2021

 

Kralendijk – Beste inwoners,

Ik richt mij vandaag tot jullie om enkele ingrijpende maatregelen mee te delen. Maatregelen die ik moest nemen vanwege de alarmerende cijfers van mensen die besmet zijn met het coronavirus hier op Bonaire. Kortgeleden zijn er 158 mensen getest en 62 van hen zijn positief getest. Vandaag hebben we alles bij elkaar 298 actieve gevallen van COVID-19!

 

Jullie weten nog dat ik altijd gezegd heb,  dat als de situatie niet verandert, ik niet zou twijfelen om ingrijpende maatregelen te nemen. Ik wil dat iedereen de ernst begrijpt van de situatie waarin wij nu zitten. Vorige week donderdag heb ik gezegd dat wij in fase 5 zouden blijven, omdat wij nog hoopten om de positieve effecten van de maatregelen te zien.

 

Het is jammer dat wij nog steeds geen daling zien van het aantal actieve gevallen, hoewel de zware maatregelen al 12 dagen van kracht zijn. De huidige situatie vereist ingrijpende maatregelen. De situatie vereist ook dat ieder van ons zich aan de regels houdt, ik herhaal: zich aan de regels houdt. De nieuwe maatregelen worden overmorgen donderdag 18 maart 2021 van kracht voor een periode van twee weken. Vanaf donderdag aanstaande gaat Bonaire van risiconiveau 5 naar risiconiveau 6. Met andere woorden: Bonaire gaat in lockdown.

 

Naast de maatregelen die gelden voor risiconiveau 6, wordt een avondklok van 21:00 uuur ‘s avonds tot 04:00 uur ‘s nachts ingevoerd. Tijdens de avondklok is het verboden om op straat te zijn. Alleen mensen die de straat op moeten voor hun werk, of daar toestemming voor hebben, mogen van 21:00 u. ‘s avonds tot 04:00 u ‘s nachts op straat zijn. Als iemand bij de Huisartsenpost moet zijn  of naar het ziekenhuis moet voor zorg, mag die persoon de straat op. De politie en de Directie Toezicht en Handhaving controleren samen met de K-mar met harde hand of mensen zich aan de avondklok houden.

 

Naast de maatregelen die gelden voor risiconiveau 6, voeren wij ook een alcoholverbod in. Het is verboden om bij snacks en bars/restaurants alcohol te verkopen. Het is ook verboden om op straat en op openbare plekken alcohol te drinken. 

 

Horecavestigingen worden toegestaan om afhaalmaaltijden te verzorgen. Dit kunnen ze tot 20:00 u. doen. Mensen kunnen maaltijden afhalen, maar mogen niet in de rij staan voor ‘take out’. Personeel van de horecavestiging moet het eten bij het voertuig afgeven. Als iemand eten afhaalt, moet de persoon in de auto of het voertuig blijven zitten. Conform de maatregelen van risiconiveau 6 mogen restaurants en bars van hotels open blijven, maar alleen voor de hotelgasten. 

 

Essentiële winkels zoals supermarkten kunnen open blijven, er mag alleen één persoon per huishouden naar binnen. 

 

Alle niet-essentiële winkels moeten dicht blijven.

 

Alle leerlingen blijven op afstand onderwijs volgen. Ze krijgen digitaal les. De scholen blijven dicht en gaan op 12 april 2021 weer open, dus na de Paasvakantie.  

   

De opvangplaatsen voor kinderen blijven dicht. 

 

Gelet op onze situatie, doe ik een dringend beroep op alle kerken, christelijke gemeenten en de moskee om a.u.b. dicht te blijven totdat de situatie weer verbeterd is.  Het wordt aanbevolen om missen, diensten of gebedsdiensten digitaal te houden.

 

Er kunnen individuele sporten beoefend worden, maar buiten, niet binnen!

 

Voor zover het mogelijk is moeten werknemers thuis blijven werken. Ik heb een verzoek aan alle zakenlieden en managers. Organiseer a.u.b. een gezondheidscheck voor het personeel voordat ze beginnen te werken. Alle werknemers met lichamelijke klachten moeten naar huis en een afspraak maken om zich te laten testen. Dit is in het belang van iedereen.  

 

Zoals bekend is de Britse variant van het coronavirus op Bonaire. Het is zich aan het verspreiden en mensen worden snel besmet op ons eiland. De enige manier om dit te stoppen, is om zwaardere maatregelen te nemen en ons eraan te houden. We zien dat er nog steeds gezinnen of mensen bij elkaar op bezoek gaan, ze gaan ook op ziekenbezoek. Ik wil benadrukken dat dit  tijdens de lockdown niet mogelijk is. 

 

Ik ben mij ervan bewust dat de nieuwe maatregelen een grote impact hebben op onze manier van leven. Dat mensen zich ongemakkelijk of zelfs ongelukkig kunnen voelen omdat zij zich niet meer vrij kunnen bewegen nu er een avondklok komt en een alcoholverbod. Het is belangrijk dat wij lichamelijke oefeningen blijven doen in de dagen die eraan komen. Om goed te eten en gezond te leven. Op tijd  naar bed te gaan en goed te rusten, Ik roep iedereen op op elkaar te letten, om goed voor elkaar te zorgen. Als je merkt dat de situatie je depressief maakt, zoek dan hulp. Praat met je mensen. Neem contact met je huisdokter en laat de dokter jou adviseren wat je kan doen. 

 

Ik doe een dringend beroep op iedereen om goed voor zichzelf te zorgen. Zorg goed voor jezelf en blijf dat doen. Hou je aan de maatregelen en blijf dat doen. Wij hebben de kans om de situatie naar onze hand te zetten. Het hangt van jou, van mij en van ons allemaal af of dat ons gaat lukken. Wij kunnen het. Als wij dat maar willen.