Partido Inovashon Nashonal (PIN) preokupá ku atake sibernetiko – hack- riba nos Banko Sentral.

 

Partido Inovashon Nashonal (PIN) preokupá ku atake sibernetiko –hack- riba nos Banko Sentral.

Hackmentu di Banko Sentral ta un motibu di preokupashon profundo den un komunidat
ku mas i mas ta funshoná di forma digital, lokual a keda akselerá pa e Pandemia di Covid.
Digitalisashon ta fasilitá bida, ma na mes momentu por trese partinan vital di komunidat
den peliger. Pa e motibu ei, prevenshon i atendementu ku hackmentu, ta na nivel di
siguridat di pais.
Seguridat Nashonal na peliger
1. Nos ke puntra Minister President, kiko e ‘hackmentu’ di Banko Sentral ta nifiká pa
seguridat nashonal di pais?
Den pasado resien a ‘hack‘ gobièrnu, Hòspital Advent. Diferente kompania i hendenan privá
a bira viktima di hackmentu. Awor e kurason di nos sistema finansiero, ku ta Banko Sentral
ta bou di atake.
2. Ki garantia tin, awor ku mas ku nunka nos ta hasi transakshonnan bankario via internet,
ku nos sistemnan bankario ta safe?
3. Ki garantia nos tin ku organisashonnan vital manera por ehèmpel hospitalnan, Aqualectra,
Curoil, Haf, Aeropuerto i gobièrnu mes ta sufisientemente protehá kontra atake sibernetiko,
esta hackmentu?
4. Nos leinan pa kombatí cybercrime mester di revishon?
5. Kua organisashon ta responsabel pa vigilá kontra hackmentu i atendé ku hackmentu?
6. Tin un grupo interministerial pa traha maneho i operashonalisá esaki di forma kontinuo
den nos pais?
Por último PIN ta úrgi Minister Presidente, ku ta enkargá ku seguridat nashonal, pa duna
pueblo un bista kla kon ta atendé ku e peliger serio aki.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: