Informashon i programa ofisial di entiero di sr. Anselmus ‘Boy’ Dap
Informashon i programa ofisial di entiero di sr. Anselmus ‘Boy’ Dap
WILLEMSTAD – Riba Djadumingu 14 di novèmber próksimo, Kòrsou lo tuma despedida di Sr.Anselmus ‘Boy” Dap. E seremonia ofisial lo tuma lugá na World Trade Centre Curaçao (WTC), siguí pa un último despedida riba ruta di karnaval ku lo terminá na Brionplein. For di Brionplein lo hiba Sr.Dap na su último lugá di sosiego na Santana Bethania na Brievengat.
El Tributo tin e honor di por organisá e selebrashon di bida di nos tata di tumba i ta partisipá e programa ofisial pa e dia akí:
11:00- 13:30 Famia ta risibí bishita di kondolensia na WTC
13:30-15:00 Seremonia siguí pa un rèspòns.
15:25-16:45 Korteho fúnebre bou di guia di kuerpo polisial ta kore ruta di despedida di karnaval: Piscaderaweg, HM Wiels BLVD te ora yega rotònde Julianadorp, subi Jan Noorduynweg, para dilanti kas # 37. Ñetunan ta baha Sr. Dap for di waha i pone riba treiler. Treiler ta sali direkshon krusada di FD Rooseveltweg, lora na man drechi i ta sigui pa Schottegatweg West, Weg naar Welgelegen, drenta Roodeweg, De Rouvilleweg i stòp na Brionplein.
16.55: Waha ta sali for di Brionplein pa hiba Sr.Dap na su último lugá di sosiegu via e siguiente ruta: de Rouvilleweg, Pater Eeuwensweg, Arubastraat, subi Kon. Julianabrug, Pres. Romulo Betancourt Boulevard, Schottegatweg Zuid, Rijkseenheid/Emancipatie Boulevard, Snipweg, Kaminda di Brievengat, Kaya Andruw R.B Jones, na man robes ta subi kaya Wilfred Pieters i yega sementerio Bethania.
17.25: Yegada na sementerio Bethania.
18:00: Final di entiero.
Pa e seremonia por kana organisá ta pidi pa tene kuente ku e siguiente puntonan:
- Tur persona ku ta deseá di demostrá kombibensia por hasi esaki pero no por sinta ni keda pará den sala despues di duna kondolensia esaki debí na restrikshon di kantidat di persona ku ta permití den e sala.
- Asientonan ta reservá pa famia, amistat i invitadónan. (Lo kontrolá lista di invitashon i QR-Code).
- Ta pidi pa koperá ku polis i un komportashon síviko promé, durante i despues ku e korteho fúnebre pasa.
Tambe ta hasi un petishon na un i tur ku lo tuma despedida riba ruta pa bini ku un lensu pa waya esaki miéntras ku e korteho fúnebre ta pasa. Lo transimití e seremonia di despedida tambe via plantanan di televishon lokal i demas medionan spesialmente p’esnan ku lo no por t’ei presente na e despedida di sr. Boy Dap.
Famia Dap i El Tributo ke yama un danki di antemano na un i tur ku a kolaborá na e bunita programa akí i ta pidi pueblo di Kòrsou pa ban duna e último honra na nos tata di Tumba sr. Anselmus “Boy” Dap selebrando su legado i rekuerdonan bunita ku lo keda biba pa semper den kada un di nos su kurason.
Programa di entiero 14-11-2021:
11:00 – 13:30 Kondolensia den sala di eksibishon di WTC
13:20 Yegada di Presidente di Parlamento, Minister Presidente i demas Ministernan di Gabinete Pisas i parlamentarionan
13:30 Maestro di Seremonia Sr. Nathaly Petronia ta anunsiá komienso di seremonia
13:35 Historia di Boy Dap presentá pa Glenn Thomas
13:45 Spich na enkargo di Sr. F. Gomez Presidente di Asosashon di Músiko
13:50 Tumba; Hu hum’e kanta pa Duo di Gibi Doran i Sr. Boy Dap
13:55 Spich na enkargo di Frida van Marel-Dap representando rumannan di Sr.Boy Dap
14:00 Bolero; Doño di mi kurason kanta pa Duo di Micheal Boncoeur i Sr. Boy Dap
14:05 Spich na enkargo di Promé Minister Sr. Gilmar Pisas na nòmber di Gobièrnu di Kòrsou
14:10 Spich na enkargo di Lucille Hoeboer i Anralice Dap na nòmber di esposa i yunan
14:15 Maestro di seremonia ta anunsiá último despedida di Sr. Boy Dap i ta yama esposa, yunan, nietunan, rumannan i subrinonan pa tuma despedida; Durante despedida Ministernan ta tuma despedida i retirá
14:25 Ta sera kaha i pastor Kiban ta hasi ritual.
14:30 – 15:00 Rèspòns na enkargo di pastor Kiban
15:00 Maestro di seremonia ta anunsiá final di seremonia i duna informashon di ruta di despedida di karnaval
15:10 Kantika di salida Tur hende Kompañé; Eks di rey di tumbanan ta pone Sr. Dap den waha.
15:25 Salida pa kore ruta di karnaval bou di guia di kuerpo polisial. Kuerpo Polisial ta kore dilanti i patras di korteho fúnebre pa evitá ku outo ta drenta den e fila.
Ruta: Piscaderaweg, HM Wiels BLVD te ora yega rotònde Julianadorp, subi Jan Noorduynweg, para dilanti kas # 37.
Nietunan ta baha Sr. Dap for di waha i pone riba trailer. Trailer
di Argenis ta sali tras di kuerpo polisial i media direkshon krusada di FD Rooseveltweg i lora na man drechi, sigui pa trailer di Sr. Boy Dap, su famia i kuerpo polisial. Ta sigui pa Schottegatweg West, Weg naar Welgelegen, drenta Roodeweg, De Rouvilleweg i stòp na Brionplein. Tur trailer ta terminá na Brionplein i ta stòp di toka.
16:45 Sr. Anselmus Dap ta yega Brionplein i nietunan ta baha Sr.Anselmus Dap for di Trailer i pone den waha.
16:55 Waha ta sigui de Rouvilleweg, Pater Eeuwensweg, Arubastraat,, subi Kon. Julianabrug, Pres. Romulo Betancourt Boulevard, Schottegatweg Zuid, Rijkseenheid / Emancipatie Boulevard, Snipweg, Kaminda di Brievengat, Kaya Andruw R.B Jones, na man robes ta subi kaya Wilfred Pieters i yega sementerio Bethania
17:15 Yegada di korteho fúnebre sementerio Bethania
17:25 Ta drenta sementerio
17:35 Forlestu ta resa i duna instrukshon
17:40 Deskanso
18:00 Final di entiero
