PROMÉ MINISTER A RISIBÍ REPRESENTANTENAN DI SAMENWERKENDE FONDSEN CARIBEN.

November 17, 2021 REDAKSHON

PROMÉ MINISTER A RISIBÍ REPRESENTANTENAN DI SAMENWERKENDE FONDSEN CARIBEN.

Willemstad – Promé Minister Gilmar Pisas a risibí representantenan di Samenwerkende Fondsen Cariben dia 15 d novèmber 2021.

Samenwerkende Fondsen Cariben ta un kolaborashon entre e Fonds Sluyterman van Loo, Stichting RCOAK (Roomsch Catholijk Oude Armen Kantoor), Kansfonds, Stichting Kinderpostzegels Nederland i Oranje Fonds.

E personanan ku a representá kada fondo ta:

Sra. Lonneke Regter, direktora di Fonds Sluyterman van Loo;
Sra. Cristel Ashra di Oranje Fonds;
Sra. Henriëtte Hulsebosch direktora di Kansfonds;
Sra. Sandra Jetten, direktora di Oranjefonds;
Meneer Henk van Stokkom di Stichting Rotterdam.

Tambe tabata presente sra. Valerie Maria, presidente di Adviescollege Curaçao Samenwerkende Fondsen.

E fondonan aki ta aktivo riba tur 6 isla di e parti karibense di Reino Hulandes. Konhuntamente, pa médio di un lokèt riba kada isla, e fondonan aki ta duna sosten finansiero na inisiativanan sosial riba e islanan. Ku e sosten aki, e fondonan ke stimulá enbolbimentu sosial den e parti karibense di Reino Hulandes, trese hendenan den kontakto ku otro i di e manera aki stimulá desarayo sosial i adelanto di e islanan.

E enfoke ta riba gruponan ku nesesidat den komunidat.

Na Kòrsou e trabounan di Samenwerkende Fondsen Cariben ta keda ehekutá pa Stichting Adviescollege Curaçao Samenwerkende Fondsen.

Representate di Stichting Rotterdam tambe tabata presente i Stichting Rotterdam ta kontemplando e posibilidat di por forma parti di Samenwerkende Fondsen Cariben.

Direktiva di Adviescollege Curaçao Samenwerkende Fondsen ta konsistí di sra. Valerie Maria (presidente), sra. Sonia Delfina-Baromeo (tesorero), sr. Johan Oldenboom (sekretario) i sra. Helvig van de Laarschot-Jonckheer (miembro general).

Ofisina di Adviescollege Curaçao ta keda formá pa konsehero di proyekto sra. Dayline Coffie i kordinadó di kantor sra. Lisette Schmidt.

E ofisina ta situá na Sta. Rosaweg 62 Unit 1.

E adrès di e-mail ta curacao@samenwerkendefondsencariben.org i nan ta alkansabel na number di telefòn 738-0412.

Por sigui nan tambe riba nan página di facebook: Adviescollege Curacao Samenwerkende Fondsen Cariben.

Pa mas informashon tokante reglanan i prosedura pa entrega di petishon pa finansiamentu di proyektonan sosial, organisashonnan sosial lokal por bishitá e página di internèt www.samenwerkendefondsencariben.org.

Riba e potrèt por mira di robes pa drechi: