Minister Cijntje na kaminda ku solushon pa e asuntu di benta di Zelftest.

 

 

MINISTER Ruisandro Cijntje

Komunikado pa prensa
Kòrsou, 8 yanüari 2022
Minister Cijntje na kaminda ku solushon pa e asuntu di benta di Zelftest.
Minister di Desaroyo Ekonómiko Ruisandro Cijntje a tuma nota di e inkietut i diskushonnan ku ta tuma lugá den pueblo tokante preis di benta di e asina yama zelftest di COVID-19.
Aktualmente Ministerio di Desaroyo Ekonómiko ta preparando konseho pa Minister por aktua den kalidat di e Lei di Preis kual ta hasi posibel pa Gobièrnu por intervení na momentu ku benta di produkto nan ta wòrdu hasi kontra preis nan ku por ta kontra e.o. interesnan general.
Nos tin un merkado liber, pero echo ta ku nos ta mei mei di un pandemia ku ta asotando nos. Minister di Desaroyo Ekonómiko lo duna mas detaye den e siman entrante i lo tuma akshon kaminda esaki ta nesesario i posibel.
Huntu ku Minister di Salubridat, Medio Ambiente i Naturalesa lo adaptá maneho si esaki ta nesesario.
Minister di Desaroyo Ekonómiko ta pidi tur hende pa tene nan mes na e reglanan vigente, esta mantené distansia, laba man regularmente, bisti tapaboka i tene bo mes na reglanan di orden públiko. Tambe Minister Cijntje ta hasi un yamada na tur establesimentu pa kumpli ku e regla i leinan ku ta na vigor.
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: