Kontrol di tráfiko i transporte di karga pisá.

KOMUNIKADO DI PRENSA 074 /2022
8 febrüari 2022
Kontrol di tráfiko i transporte di karga pisá.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 8 di febrüari 2022 den oranan di mainta personal di Warda di Polis Montaña,
Departamentu di Tráfiko, U.S.T. i GMN, a tene kontrol di tráfiko general i di transporte di
karga pisá. E kontrol aki a tuma lugá riba Kaminda pa Fuik, Kaminda Girigorio A. Nai Curie,
Kaminda Jose Papa Liberia, Kaminda Mitologia i Kaminda Hensley Meulens.
Polis a parti un total di 60 prosès verbal pa e siguiente infrakshonnan kometé:
Manehá un vehíkulo sin karchi di kùr bálido;
Manehá un vehíkulo sin seguro bálido;
Manehá un trùk, di kual e vehíkulo teknikamente no ta na òrdu;
Manehá un trùk, di kual e karga no ta wòrdu tapá;
Manehá un vehíkulo ku glas pretu;
Manehá un vehíkulo sin faha di siguridat bistí;
Manehá un vehíkulo hasiendo uso di telefòn selular;
Manehá un vehíkulo sin plachi number dilanti.
E kontrolnan aki ta kontinuá.