Aksidente di trafiko.

 

KOMUNIKADO DI PRENSA 094 /2022
20 febrüari 2022
Aksidente di trafiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 20 di februari 2022 alrededor di 18.32’or, Sentral di Polis a risibi informashon
di un aksidente basta serio ku a tuma lugá riba Caracasbaaiweg na altura di Janthiel.
Mesoara a dirigí unidat polisial i ambulans na e sitio.
For di investigashon preliminar a sali na kla ku un outo di famia tabata kore riba
Caracasbaaiweg saliendo for di Caracasbaai bayendo den direkshon di Sorsaka.
Na altura di Janthiel, pa motibunan te ainda deskonosí, e vehikulo aki den kua tabatin tres
okupante, a bai dal kontra di un palu di lus. Dos di e personanan a keda pegá den e vehíkulo
i ku yudansa di polis i personanan den besindario, a logra saka nan for di e situashon ku nan
tabata aden.
Dos di e okupantenan a risibí kap na kara mientras un otro a tabata keha di slanan interno i
a risibí leshon na varios parti di su kurpa.
Ku ambulans a transportá e tres personanan aki pa Sala di Emergensia di C.M.C. pa
tratamentu médiko.
Personal di Departamentu di Tráfiko a keda enkargá ku e investigashon.

 

 

This site uses Akismet to reduce spam. Learn how your comment data is processed.

%d bloggers like this: