google.com, pub-5639114718427035, DIRECT, f08c47fec0942fa0

Kriatura di 2 aña ta kai den pisina.

 

KOMUNIKADO DI PRENSA 093 /2022
20 febrüari 2022
Kriatura ta kai den pisina.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 20 di febrüari 2022 alrededor di 12.02, Sentral di Polis a risibí informashon di
un kriatura di dos aña ku a kai den un pisina di un kas na Guacaipuroweg.
Mesora a dirigí polis i ambulans na e sitio.
Na yegada di e promé unidat polisial, el a bin topa personanan den besindario i famia
tabata tratando na reanimá e yu, di kua su situashon tabata mustra krítiko.
Un agente polisial a tuma e parti di reanimashon over i huntu ku un mayor a trata na
stabilisá e yu, mientras tabata warda yegada di ambulans.
E personal di ambulans despues di a tuma e reanimashon over, a transportá e menor den
un situashon delikado pa Sala di Emergensia di C.M.C. pa tratamentu médiko mas avansá.
E promé indikashon ta mustra ku pa un deskuido, e yu aki a bin resultá den e pisina.

 

 

 

[videopress DyWsyVyU]

This site uses Akismet to reduce spam. Learn how your comment data is processed.

%d bloggers like this: