PORFIN PARLAMENTO A KOMPRONDE Laga korte internashonal chek COHO

PORFIN PARLAMENTO A KOMPRONDE

Laga korte internashonal chek COHO

 

 

Miembro sr. Raimy “Baas” Manuela di Trabou Pa Kòrsou TPK pa hopi tempu kaba a bini ta trese dilanti pa laga korte internashonal di Nashon Uni chek COHO.

 

Na promé instante hopi no a kompronde sr Raimy “Baas” Manuela. Pero Sr. Manuela a sa di mantené konsistensia den e loke e ta trese dilanti. Trabou pa Kòrsou ta haña ku pueblo di Kòrsou meresé di sa tur su derechinan prome ku tuma desishon.  Pueblo tin derechi di sa ku COHO ta trapa outodeterminashon di Kòrsou. Chikitu, hóben i grandi tin derechi di sa esaki. Si pueblo ke asepte mes, pueblo tin tur derechi di sa kiko esaki ta nifika. Pueblo mester skohe konsiente.

 

COHO ta kontra di artíkulo 73 di Nashonnan Uní.  Artíkulo 73 ta regla libertat di outodeterminashon di un pueblo i propio gobernashon. Pa sigurá desaroyo di un pueblo su kultura, ekonomia, aspektonan sosial i edukashon. Tambe pa e pueblo proteha su mes kontra di abusu. Pa tene kuenta ku aspirashon polítiko di e pueblo i desaroyo progresivo di institutonan polítiko liber i independiente pa e pueblo den konkordansia ku sirkunstansianan partikular di kada teritorio i su pueblo i e variedat di etapanan di avanse den esaki.

1. COHO ta violá tur esakinan.
2. COHO a wòrdu imponé kibrando ku artíkulo 38 di statüt.
3. Kòrsou a wòrdu chantagiá debí na e situashon di pandemia pa asepta dilnan ku ta kontra outodeterminashon pa por risibi yudansa. Hulanda ta di mala fe.