PROMÉ MINISTER GILMAR PISAS A SERA KONOSÍ OFISIALMENTE KU VKC.

PROMÉ MINISTER GILMAR PISAS A SERA KONOSÍ OFISIALMENTE KU VKC.

 

Willemstad – Promé Minister Gilmar Pisas a sera konosí ofisialmente ku VKC (Vrijwilligers Korps Curacao) dia 24 di aprel 2022 na Marine Basis Suffisant.

 

VKC ta un kuerpo di outoridat públiko, ku ta para pa honor, dignidat, disipilina, liderasgo i amor pa Patria. E fundashon ta duna asistensia na Defensa di Region i outoridatnan lokal kaminda ta nesesario, di kual su miembronan ta boluntario.

E fundashon ta eksistí for di 1992 i ta selebrá su di 93 aniversario e aña aki.

E fundashon ta resortá bou di e kartera di Promé Minister.

 

E programa a kuminsá kaminda Promé Minister a hasi un inspekshon di e Kuerpo di VKC, siguí pa promoshon di sr. Roger Gibbes di Komandante pa “Teniente-kolonel” i sr. Vernon Demali komo Sargento.

 

Siguidamente a sera Promé Minister konosí ku e direktiva di VKC.

E miembronan di e direktiva ta konsistí di Teniente-kolonel R. Gibbes (Presidente), Kapitein S. Olario (Sekretario) i Aoo H. Symor (Tesorero).

 

Despues a sigui un presentashon kaminda a duna informashon riba e vishon, mishon, tur e partinan di  e organisashon i nan funshonamentu.

A sigui ku un rekorido kaminda por a wak físikamente tur e partinan di e organisashon.

Por último a duna un demostrashon di e tareanan di e Riot Team. A mustra kon e tim aki ta funshoná na momentu ku tin di ehekutá diferente forma di aresto i tambe ora tin di aktuá kontra di violensia i/òf manifestashon ku a sali for di òrdu.

  

Na final tabatin un momentu pa Promé Minister sr. Pisas por a hiba palabrá i sosialisá un poko mas ku e miembronan di e Kuerpo di VKC.

Durante di momentu ameno aki a duna Promé Minister i su konsehero un regalito komo muestro di apresio pa nan presensia na VKC.


E tabata un bishita hopi intersante kaminda por a tuma nota kon organisá i disipliná VKC ta funshoná. Promé Minister sr. Pisas a keda hopi satisfecho i kontentu ku tur informashon ku e la risibí.

Share this page to Telegram

This site uses Akismet to reduce spam. Learn how your comment data is processed.

%d bloggers like this: