DIA DI SAKRIFISIO PATRIMONIAL E AÑA AKÍ DEN UN FORMA EKSTENSO DESPUES DI DOS AÑA

MINISTERIO KONSERNÍ ENSEÑANSA, SIENSIA, KULTURA & DEPORTE

 

DIA DI SAKRIFISIO PATRIMONIAL E AÑA AKÍ DEN UN FORMA EKSTENSO DESPUES DI DOS AÑA

PUBLIKÁ RIBA 04 MEI 2022

WILLEMSTAD –  Awe dia 4 di mei Gobièrnu di Kòrsou, Marina Real i VKC a konmemorá esnan ku a bringa den di Dos Guera Mundial i esnan ku a muri den guera òf mishonnan di pas. Despues di dos aña ku mester a mantené e seremonia simpel i adaptá na medidanan relashoná ku e pandemia di Covid-19, e aña akí a amplia e seremonia inkluso e sekshon di invitado.

“Libertat den konekshon“ ta e tema pa e aña akí riba Dia di Sakrifisio Patrimonial. Den su disertashon Promé Minister sr. Gilmar Pisas a enfatisá ku libertat tin di haber ku derechi di por aktua, papia i pensa liber, pero na mes momentu konektá ku otro pa lucha huntu pa salbaguardiá nos demokrasia.

Na final di e seremonia ofisial a desvelá un plakat nobo ku ta inkluí tur e nòmbernan di esnan ku a pèrdè nan bida i ku tabata falta riba e plakat ku tabatei. E seremonia a kuminsá 9’or di mainta na e ‘Monumento di Víktimanan di Guera’ na Waaigat. Despues a sigui pa Santana Militar na Roodeweg kaminda bou di guia di Stichting Militair Erfgoed Curacao a tene un seremonia ku veteranonan, algun invitado i tambe hóbennan di CURMIL, Scouting i Brigada di seguridat.

Share this page to Telegram

This site uses Akismet to reduce spam. Learn how your comment data is processed.

%d bloggers like this: