google.com, pub-5639114718427035, DIRECT, f08c47fec0942fa0

BUT I KONFISKASHON PA BUTAMENTU DI FEVER RIBA KAMINDA PUBLIKO / BOETES EN VERBEURDVERKLARING VOOR FEVEREN OP DE OPENBARE WEG

19 di mei 2022
BUT I KONFISKASHON PA BUTAMENTU DI FEVER RIBA KAMINDA PUBLIKO
Djárason 18 di mei Korte di Promé Instansia a kondená tres hòmber, S.H., J.S. en R.G., pa butamentu di
fever riba kaminda públiko. Nan a haña but te ku NAF 1.000,- ku un tempu di prueba di tres (3) aña i a
konfiská nan outonan kondishonalmente. Esaki ta nifiká ku nan lo pèrdè nan outo permanentemente si
gara nan ta sea buta fever òf ta kometé kalke otro delitu (di tráfiko) atrobe den e tres añanan benidero.
Ministerio Públiko (OM) ta satisfecho ku e verediktonan. Esaki ta demostrá ku e enfoke di e problema di
fever ta funshonando. E kasonan ta konserní un Toyota Starlet hel i un Mazda RX7 bèrdè.
Tradishon
Tur dos outo tabata paresé ku frekuensia riba videonan di fever riba Facebook i den gruponan WhatsApp.
Butamentu di fever ku outo i bròmer ta un fenómeno ku ta sosodé ku basta frekuensia na Kòrsou. E
shownan por konta semper ku hopi públiko. OM ta konsiente ku hopi hende ta konsiderá butamentu di
fever komo un tradishon i ku polis no mester mete ku esaki. Sinembargo OM i polis ta haña ku butamentu
di fever no tin lugá riba kaminda públiko. Polis ta risibí hopi keho di molèster di zonidu i molèster (en
general). Sobretodo, butamentu di fever ta hopi peligroso, pasó e públiko ta indefenso i tin un riesgo haltu
pa aksidentenan grave.
Enfoke spesial di polis riba medionan sosial
For di desèmber 2021, Kuerpo Polisial di Kòrsou (KPC) huntu ku Ministerio Públiko a kuminsá mantené
òrdu pa ku butamentu di fever di un manera mas intensivo. Polis no ta kontrolá solamente riba kaya, sino
ku tambe ta hasi investigashon pa ku e videonan di fever riba medionan sosial. Di e manera aki a rekonosé
e outo bèrdè i tambe esun hel, a lokalisá esaki nan i tambe a identifiká e doñonan. Na momentu ku
deskubrí butamentu di fever, ta kita e outo- i bròmernan for di e doñonan i OM ta pidi Korte pa e
konfiskashon, sea ku ta di forma kondishonal òf no. Konfiskashon ta nifiká ku no ta debolbé e vehíkulo,
pero ku lo bende esaki òf e ta keda destruí.
E dos kasonan aki no ta úniko. Luna pasá tambe a konfiská un bròmer ku a usa pa buta fever i ku despues
a wòrdu mandá riba un outo di polis. Den un otro kaso a konfiská un outo kondishonalmente. OM ta
spera ku e manera di mantené òrdu nobo aki lo kondusí na un desplasamentu di butamentu di fever riba
kaminda públiko pa butamentu di fever regulá kaminda gobièrnu por pone kondishon pa ku siguridat. OM
i KPC lo kontinuá ku e mantenshon di òrdu aki.

 

BOETES EN VERBEURDVERKLARING VOOR FEVEREN OP DE OPENBARE WEG
Op woensdag 18 mei heeft het Gerecht in Eerste Aanleg drie mannen, S.H., J.S. en R.G., veroordeeld voor
het feveren op de openbare weg. Ze kregen boetes tot NAF 1.000,- met een proeftijd van drie (3) jaar en
hun auto’s werden voorwaardelijk verbeurd verklaard. Dat betekent dat ze hun auto definitief kwijt zijn
als ze in de komende drie jaren nogmaals worden betrapt op feveren of een ander (verkeers)delict. Het
Openbaar Ministerie is tevreden met deze vonnissen. Het toont aan dat de aanpak van het feverprobleem werkt. Het gaat om een gele Toyota Starlet en een felgroene Mazda RX7.
Traditie
Beide auto’s kwamen veelvuldig voor op fever-filmpjes op Facebook en in Whatsappgroepen. Het feveren
met auto’s en motoren is een fenomeen dat vaak voorkomt op Curaçao. De shows kunnen rekenen op
veel publiek. Het OM is bewust van het feit dat fever door velen als een traditie wordt beschouwd,
waarmee de politie zich niet moet bemoeien. Het OM en de politie vinden echter dat fever niet thuis
hoort op de openbare weg. De politie ontvangt veel klachten van geluidsoverlast en hinder. Bovenal is
fever erg gevaarlijk, omdat het publiek niet is afgeschermd en er een groot risico is op ernstige
ongelukken.
Speciale aanpak van de politie op social media
Vanaf december 2021 is het Korps Politie Curacao (KPC) samen met het Openbaar Ministerie intensiever
gaan handhaven. De politie controleert niet alleen op straat, maar stelt sinds kort ook onderzoek in naar
fever-filmpjes op social media. Zo zijn de groene en gele auto herkend, getraceerd en de bestuurders en
eigenaren ook geïdentificeerd. Bij ontdekking van fever worden de auto’s en motoren in beslag genomen
en het OM verzoekt het Gerecht om de voertuigen al dan niet voorwaardelijk verbeurd te verklaren.
Verbeurdverklaring betekent dat het voertuig niet wordt teruggegeven, maar wordt verkocht of
vernietigd.
Deze twee zaken staan niet op zich. Afgelopen maand werd er ook een motor verbeurd verklaard die
feverde en daarna inreed op een politieauto. In een ander geval werd een auto voorwaardelijk verbeurd
verklaard. Het OM hoopt dat het gewijzigde handhavingsbeleid leidt tot een verschuiving van fever op de
openbare weg, naar een gereguleerde fever waarbij de overheid voorwaarden kan stellen ten aanzien vande veiligheid. Het OM en KPC zullen de komende tijd dit handhavingsbeleid voortzetten.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: