RIBA PETISHON DI PROMÉ MINISTER GILMAR PISAS A REUNÍ KU FUNDASHON EMT

Total Care Institute
Kinderdagverblijf en Naschoolse Opvang & Activiteiten
* Gekwalificeerde groepsleidsters
* Uw baby vanaf 6 weekjes oud
* Gevarieerde educatieve activiteiten
* Maandelijkse thema’s
* Het hele jaar door geopend
Bel of stuur een whatsapp bericht naar het nummer 5123160 voor nadere informatie en inschrijving
Klik hier oom naar onze FaceBook te gaan:
https://www.facebook.com/profile.php?id=100045700818054

 

 

 

 

RIBA PETISHON DI PROMÉ MINISTER GILMAR PISAS A REUNÍ KU FUNDASHON EMT

 

Willemstad – Riba petishon di Promé Minister sr. Gilmar Pisas a reuní ku Fundashon EMT (Emergency Medical Team Curacao) dia 11 di yüli 2022.

 

E dos personanan ku a representá Fundashon EMT tabata sra. Richeline Kerindongo i sr. Andréy Servilia.

E fundashon ta para pa duna servisio Médiko i di emfermería, institushon i práktikanan Paramédiko, duna edukashon i formashon den esakinan.

 

Fundashon EMT a aserká Promé Minister sr. Pisas pa un sita i despues ku e la tuma nota di nan petishonnan a aserká Minister di Hustisia sr. Shalten Hato i Minister di Salubridat, Medio Ambiente i Naturalesa  sra. Dorothy Pietersz- Janga, mirando ku e petishonnan tabata tin di haber ku e dos ministerionan aki.

 

E dos Ministernan konserní a pone mesora nan respektivo Sekretarionan General sra. Desiree Lai-Promes i Sr. Sharlon Melfor disponibel pa atendé ku e sita aki.

Di parti di Promé Minister sr. Pisas tabata presente su konsehero sra. Roxienne Albertina.

 

Ambos petishon di parti Fundashon EMT a keda satisfaktoriamente atendé i a yega mesora na un solushon pa un di e petishonnan. E otro petishon lo sigui haña atenshon di parti e Ministerio di Salubridat, Medio Ambiente i Naturalesa.

Durante di e reunion a duna e fundashon hopi insentiva, konseho i ideanan pa yuda fortifiká e tareanan ku e fundashon aki a bini ta hasi.

 

A palabrá ku e fundashon ku lo bai traha un sita ku Minister di Salubridat, Medio Ambiente i Naturalesa  sra. Dorothy Pietersz-Janga kaminda e direktiva di e fundashon lo haña oportunidat pa sera konosí ofisialmente ku e minister aki.

 

E reunion a kana den un hopi bon esfera.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: