BANKO SENTRAL NO A RESPETÁ MOSHON DI MAYORIA SOSIO DI ACU

Total Care Institute organiseert voor de komende tussenvakantie, 3 tot en met 7 oktober 2022, een Excursie Vakantieplan! We gaan iedere dag op stap, op sommige dagen 2 verschillende excursies! Stuur een whatsapp bericht naar het nummer +59995123160 en schrijf uw kind in FaceBook: https://www.facebook.com/profile.php?id=100045700818054

 

 

 

 

 

BANKO SENTRAL NO A RESPETÁ MOSHON DI MAYORIA SOSIO DI ACU

 

Doornbosch no a respetá, Jardim ku tabata minister finansas nunka a hasi nada pa yuda koperativa

E META TA, KIBRA ACU I POSIBELMENTE BENDE DEN FUTURO KU UN BANKO 

 

Trabou pa Kòrsou TPK a tuma nota ku banko sentral no a respetá un moshon ku mayoria sosionan (doñonan) di ACU a sostené den un sala kompletamente yen na WTC. Tampoko a respetá e echo ku sosionan a reuní i vota riba e statutonan nobo ku banko sentral kier a imponé riba e sosionan. Sosionan a sinta simannan largu i a pasa den hinter e statuto. Pa na final banko sentral no respetá esaki. Statuto ta mustra bon klá ku ta den reunion general so por hasi kambio den statuto. Banko sentral a bai korte i asina imponé e kambionan. Ta pornada Amado Römer a lucha pa tene banko sentral afo.

 

JARDIM TAMBE MESTER TABATA SA MIHÓ

Sr. Jardim tabata minister di finansa pa pais Kòrsou, nunka komo minister e NÒ a hasi nada pa yuda koperativa. Alkontrario ela hasi daño na Kòrsou su sistema di finansa. Sr. Jardim nunka tabata riba un lista polítiko pa pueblo por a vota riba su persona, pues pesei tambe e no tin sintimentu pa bo, pueblo. Asina ela keda chupa chupa i awe e ta den nos banko sentral. 

  1. Sr. Jardim ta un kumplido fiel di Hulanda. Meskos ku minister Silvania
  2. Sr. Jardim tabata hasi tur lokual Hulanda bis’e, pa e tin un “presupuesto balansá”. Esaki no ta nada malu, pero bo no por mata e pueblo. Den mes un tempu ku e tabata kumpli ku Hulanda, e sifranan di ekonomia NÒ a subi. Kiermen tabata un frakaso total.
  3. Sr. Jardim a introdusí e sistema di ob na 6,7,8 i 9%. Esaki NÒ a yuda nos
  4. E a kita grond belasting i introdusi OZB. Esaki NO a yuda nos.  E lei akii a lanta asina tantu rabia den komunidat te ku SER i RVA i parlamento prome ku e periodo di 2017 a konseha pa hasi sierto kambionan. Na 2021 parlamento a logra hasi e kambionan na fabor di pueblo. Awor ta minister Silvania no ke publika e lei.
  5. Sr. Jardim a kita ku por a paga grondbelasting/ozb pa kuartal. Esaki NO a yuda nos.
  6. Sr. Jardim a kita e pòchi di impuesto di kaya (“wegenfondsbelasting”) i hink’e den e pòchi di “Algemene middelen”. Awe tur kaya ta na buraku. Esaki no ayuda nos.
  7. Awe sr. Jardim ta sinta den banko sentral i no ta yudando koperativa. 

 

Di konsehero di èks-minister Jamaloodin pa minister di finansa. Di einan pa sektor privá. Di sektor privá pa banko sentral. Asina ta probechá di un pueblo mansu òf laga.

 

Ahinda TPK ta warda Doornbosch obligá e planta di televishon hulandes rektifiká e publikashon di su salario.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: