Santa Fun Walk M21 ta presentá un aktividat familiar pa fin di aña

Santa Fun Walk

M21 ta presentá un aktividat familiar pa fin di aña

 

Kralendijk 27 di Novèmber 2022 – Djasabra 10 di desèmber M21 ta organisá un Santa Fun Walk. Dianan di fiesta ta yegando  i no tin nada mas mihó, pa kuminsá prepará pa selebrá algun dia ameno ku otro. Santa Fun Walk ta un aktividat netamente familiar pa prepará pa e dianan di fiesta aki.

 

E dianan di fiesta nos tin e tendensia di eksagerá ku komementu. Awèl kiko ta mas mihó  ku un aktividat salú pa henter famia i pa grandi i chikí. Un aktividat, manera e nòmber ta bisa, fun, alegre, pa nos kompartí ku otro. Ademas di ta alegre, e ta salú tambe!

Ku e Santa Fun Walk,nos di M21, kier rekoudá fondo pero na mes momentu ofresé nos komunidat un aktividat alegre i salú. Partisipá ku bo famia, bo koleganan i òf  bo amistatnan pa asina prepará pa drenta den un ambiente di fin di aña amikal pa yega un aña nobo yen di positivismo.

 

E aktividat  ta kuminsá  6or di atardi i nos ta spera di kaba den kareda di 10or di anochi. E kaminata ta sali i tèrminá na Parke Wilhelmina. E ruta ta : Parke Wilhelmina; Kaya C.E.B. Hellmund (Direkshon Suit); Cha cha cha beach; Julio A. Abraham Blvd (Direkshon Nort); Kaya Lib. Simon Bolivar; Centrum Gebied; Kaya L.D. Gerharts; Kaya Grandi (Direkshon Nort); Kaya Gob. Nicolaas Debrot; Rotonde Hato; Kaya Gob. Nicolaas Debrot (direkshon suit); Kaya J.N.E. Craane(Malekon); Kaya C.E.B. Hellmund(Malekon) kaba na Parke Wilhelmina.

 

Tur partisipante ta haña un tas, mùts di Papa Pasku, armbant ku lus, awa, awa di lamunchi, apelsina i un sòpi na final. Nos lo tin premio pa e mihó Papa Pasku i Mama Pasku i hopi sorpresa mas.

Wak pa bo no keda afó! Wak bo karchi na Gas Express, Pòmp Stashon Rincon òf app 790 2121 òf 786 9191 òf 701 5025

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: