DI DOS GEMEK DI KARCHI ENTRADA PA FESTIVAL DI TUMBA 2023 DJASABRA DIA 10 DI DESEMBER NA STAR MOTORS

DI DOS GEMEK DI KARCHI ENTRADA PA FESTIVAL DI TUMBA 2023

DJASABRA DIA 10 DI DESEMBER NA STAR MOTORS

 

WILLEMSTAD – Djasabra awor dia 10 di desèmber lo tin e di dos gemek di AMAK, relashoná ku benta di karchi di entrada pa Festival di Tumba 2023.

 

E gemek aki lo ta di 10 or pa 11 or di mainta, kaminda lo tin un kantidat límitá di karchi General na rason di  65 florin ( normal ta 85 florin pues bo ta spar 20 florin riba kada karchi). Tambe lo tin karchi di entrada di red Carpet ( VIP) na rason di 300 florin. Por paga kèsh o swaip.

 

Ta presenta Outo pa Rei o Reina di Tumba 2023

Durante di e mainta aki, Star Motors ku ta un dje branding partnernan di Festival di Tumba 2023, lo presentá e outo ku sea e Rei o Reina di Tumba 2023 lo gana.

 

Ta trata aki di un vehíkulo di aña 2023 ultra moderno den teknologia i ku ta fit riba nos kareteranan aki na Kòrsou. E presentashon ofisial di e vehikulo aki lo tuma lugá pa 10:30 am.

 

Un invitashon ta  bai na tur amante di Tumba, pero muy enpartikular e kantante/ tumberonan ku tin un chens di gana e outo aki, pa pasa titra un bisa triba dje ku despues lo por bira di abo. Festival di Tumba 2023, ta bira grandi.

 

Atentamente

 

Direktiva di AMAK

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: