Detenshon relashoná (kaso hummer “Boechi”)ku asesinato i violashon di lei di arma di kandela.

KOMUNIKADO DI PRENSA 198/2023.
27 aprel 2023.

Detenshon relashoná ku asesinato i violashon di lei di arma di kandela.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku e investigashon relashoná ku e kaso di asesinato ku a tuma lugá dia
9 di desèmber 2022, na dilanti di un trùk di pan riba F.D. Rooseveltweg (Komunikado di
Prensa 574/2022), polis a hasi un detenshon mas.

Djárason 26 di aprel 2023, alrededor di 12.44’or di mèrdia Tim di Aresto a hasi detenshon di
e hòmber sospechoso C.H.E.Z., di 24 aña di edat nasé na Kòrsou.

Den kompania di e C.H.E.Z., polis a hasi detenshon di un dama sospechoso C.A.M.A.P.,
di 21 aña di edat nasé na Kòrsou, relashoná ku violashon di lei di arma di kandela.

Detenshon di e sospechosonan a tuma lugá den área di Mexicoweg.
Durante di e detenshon a haña i konfiská un arma di kandela ku munishon.
Despues di detenshon e Tim Divishon di Krímen Organisá a tene un entrada hudisial na kas
di e C.H.E.Z., den Kaya Awaseru.

Na e kas a haña i konfiská artíkulonan di importansia pa e investigashon.
A presentá ámbos sospechoso dilanti un fiskal ouksiliar ku despues di interogashon a
pone C.A.M.A.P., den libertat i a ordená enkarselamentu di C.H.E.Z., pendiente di mas
investigashon.

Investigashon den e kaso aki ta sigui den “full swing” i no ta ekskluí ku lo bai tin mas
detenshon.
Athunto portrèt: