KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

DJ Kroksz huntu ku BJAY den final di Miss Teenage Globe dia promé di yuli.

 

 

Willemstad- Queen Making Queens Organization ta orguyoso di por presentá e gran final di e sertámen hubenil di momentu, Miss Teenage Globe Curaçao 2023  proksimo den sala multifunshonal di PWFC

 

E 7 partisipantenan, Angelli Meyer, Maidy de Wildt, Rutvièna Rosalina, Amanda Verkerk, Chinouq Cathlin, Luz-Thalia Ramdjas i Thailis Matos Inecia ta klá pa presentá un kompetensia riba nivel haltu manera ta e kustumber di QMQ Organization.

 

E partisipantenan ta ful den preparashon ku diferente charlanan pa prepará nan konosementu general i hasiendo bishitanan ofisial pa konosé mas di nos dushi Kòrsou.

 

E parti di e preparashon aki ta importante, paso kada un di e partisipantenan aki ta keda prepará i giuá pa por representá Kòrsou den kompetensia nan International.

 

Otro aspekto  importante ku QMQ Organization ta pone infasis riba dje, ta nan forma di komuniká i e patronchi perfekto di kana. QMQ ke mira e 7 partisipante bon prepará i pa nan disfrutá di e eksperensia inolvidabel aki.

 

E gran final lo ta 1 di yüli próksimo. E dia aki Kòrsou ta bai konosé ken ta bira nos Miss Teenage Globe 2023.

 

E anochi final, e partisipantenan lo tin 3 presentashon ofisial i manera semper nos lo tin artistanan hóben durante e show final pa kompaña nos partisipante.  QMQ komo un kas di beyesa i talento ke sigui duna opportunidat tur aña di nobo na artistanan hóben di Kòrsou.

 

Na final di e anochi despues di hopi aña na Kòrsou, QMQ ta trese e famoso “after party” ku ántes tabata keda organisá despues di e final di Miss Teenage.

 

E aña aki, nos hóbennan por bin disfrutá den un ambiente sano, ku bon seguridat i kaminda mayornan por ta trankil ku e hóbenan por disfrutá i ta bon kuida huntu ku e DJ di hubentud, DJ Kroksz i tambe presentashon di e artista di momentu BJay.

 

Karchinan ya ta optenibel serka tur partisipante na balor di 85,- florin pa hinter e anochi.

 

Portanan lo habri 19.00  i tur kos ta kuminsá 20.00. Lo no tin benta di karchi na porta, kemèn tur fanatiko i hóbennan di Kòrsou probechá kumpra bo karchi trempan paso kantidat ta limitá..

 

639114718427035"
639114718427035"