Detenshon pa violensia relashonal.
KOMUNIKADO DI PRENSA 227/2023.
18 mei 2023.
Detenshon pa violensia relashonal.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djawebs 18 di mei 2023 alrededor di 10.00’or, Sentral di Polis a dirigí unidat di warda di
polis Montaña pa un kas na St. Joris pa un kaso di violensia relashonal.
Na e sítio, un dama habitante di e kas a splika polis ku e hòmber ku kua e tabatin un
diskushon, dado momentu a bira hopi furioso i kuminsá kibra kos den e kas.
E hòmber aki lo a basha gasolin tambe den e balkon parti dilanti di e kas, ku intenshon pa
sende esaki na kandela.
Alabes el a menasá e dama ku kende e ta kompartí bida.
Relashoná ku esaki, alrededor di 10.10’or, polis a detené na e adrès aki, e hòmber
sospechoso U.A. de J. di 38 aña di edat nase na Kòrsou pa destrukshon i menasa.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.