KOMUNIKADO DI PRENSA 254/2023.
3 yüni 2023.

Detenshon pa intento di asesinato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 2 di yüni 2023 alrededor di 16.13’or, durante di kontròl di tráfiko riba
Caracasbaaiweg na altura di Sorsaka, polis a duna shofùr di un vehíkulo instrukshon pa
para.
En bes di duna oido na e òrdu aki, e shofùr a sigui kore den direkshon di e agente, ku na e
momentu ei pa evitá di keda alkansá, mester a bula na kantu.
No opstante e esfuerso aki, e spil di e outo a dal’e.
Mesora e unidat a kuminsá un persekushon tras di e vehíkulo aki ku entre tantu a sigui su
rumbo.
Riba Seru Loraweg e unidat a detené e hòmber sospechoso A.R.A. di 29 aña di edat nase
na Jamaica pa intento di asesinato, despues ku el a aksidentá kontra di un kurá di kas.
E vehíkulo a keda konfiská miéntras ku a presentá e sospechoso dilanti di un fiskal ouksiliar
ku a ordená su enkarselamentu pendiente di mas investigashon.