MINISTER DI HUSTISIA MR. SHALTEN HATO TA INVERTÍ DEN DIGITALISASHON DI KADENA HUDISIAL

MINISTER DI HUSTISIA MR. SHALTEN HATO TA INVERTÍ DEN DIGITALISASHON DI KADENA HUDISIAL
Minister di hustisia mr. Shalten Hato a mira e importansia den digitalisashon dje kadena hudisial i p’esei a pone prioridat pa inVertí den e plataforma di Informashon i Teknologia di Komunikashon (ICT) di e organisashon operativo Justitiële Zorg (JZ).
Resiéntemente Minister di Hustisia, Shalten Hato, a akordá pa duna JZ e espasio finansiero pa realisá un invershon supstansial riba tereno di ICT. Minister Hato ta konVensí ku modernisashon dje infrastruktura di IT di JZ lo kontribuí mehorashon dje nivel di servisio, logrando mihó resultado i alsando produktividat.
Konforme e akuerdo i tambe programa di gobernashon di Gabinete Pisas II a akoplá tareanan hudisial ku fundashonnan Ambulante Justitiële Jeugdzorg Curaçao (AJJC), Slachtofferhulp Curaçao i tambe Gezinsvoogdij Instelling Curaçao (GVI) tabata ehekutá, bou di e organisashon operativo nobo JZ. E tareanan di Bureau Voogdijraad tambe a bira parti integral dje tareanan legal di JZ.
E proseso di digitalisashon aki ta pa konektá tur e sistemanan den kual e diferente fundashonnan tabata traha riba un infrastruktura sentral i asina yega na un solo plataforma general di informashon i data di manera ku ta halsa kalidat di e infrastruktura digital. Den e próksimo seis (6) lunanan aki lo operashonalisá un plataforma di ICT kompletamente ekipá pa henter e organisashon aki.