Muchanan entusiasmá ku kampaña Back To School: Restorantnan di Hucor Holding N.V. a entrega premio

Muchanan entusiasmá ku kampaña Back To School:

Restorantnan di Hucor Holding N.V. a entrega premio

 

WILLEMSTAD:  Tabata djárason mèrdia ku restorantnan di Hucor Holding N.V. a hasi entrega di premionan den nan kampaña di Back To School. Durante 7 siman, mayornan por a kumpra na KFC, Pizza Hut òf Subway i skibi e nòmber, fam i number di telefòn di nan yu, nietu, ihá, subrina òf subrino tras di e bòn. Di akuerdo ku Surella Veeris di Hucor Holding, e kampaña tabata un aporte na komunidat i na mes momentu un oportunidat pa yama danki na tur famia ku a bishitá e restorantnan KFC, Pizza Hut i Subway durante fakansi di skol. Djaluna último a saka e ganadornan i ya pa djárason tur mucha a risibí nan premio. Total a saka 6 ganador, 2 pa kada restorant. E muchanan no a por a kontené nan alegria!

 

E premionan tabata realmente atraktivo,kada pakete a konsistí di  5 unifòrm polo ku logo di nan skol ariba, un set di gym inkluyendo e polo i shòrt ku nan logo di skol, 3 jeans, 1 par di kèts, 1 rugzak i 1 laptop di Tapirama, i tambe 1 wifi dongel inkluyendo 1 aña data di Digicel. Ta importante pa nos kòrda, ku no ta tur hende den nos komunidat tin e mesun espasio finansiero. “ KFC, Pizza Hut i Subway ke a yuda prinsipalmente esnan ku tin’e un poko mas difísil i a logra esaki den un kampaña dinámiko i ku a resultá masha eksitoso. Asina por menshoná ku hopi kliente a skibi nòmber di nan bisiña, yu di kolega, òf otro muchanan ku no ta un familiar, i di e manera aki yuda un otro. E orei nos por bisa ku e meta a keda lográ. Ta gradisí Tapirama i Digicel pa nan kontribushon balioso na e kampaña aki”, asina Surella Veeris a finalisá.

Riba fotonan athunto, un impreshon di e muchanan kontentu ku nan premio! Nos ta deseá nan tur un felis aña eskolar