Ta trahando riba situashon di èrko na warda di polis Montaña.
KOMUNIKADO DI PRENSA 407/2023.
31 ougùstùs 2023.
Ta trahando riba situashon di èrko na warda di polis Montaña.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Manera ku a komuniká ayera na públiko ku warda di polis di Montaña temporalmente no ta
aksesibel pa públiko, mesora a kuminsá traha riba e situashon di ventilashon ku tabata e
motibu pa kua operashonnan na e warda a keda limitá.
En bista di e situashon sofokante di kalor di e dianan aki, no ta agradabel ni pa e personal ni
pa e siudadano ku ta bini pa hasi denunsia, sinta den kalor.
Mientras tantu a kuminsá awe 31 di ougùstùs 2023 ku instalashon di èrkonan nobo den e
espasionan kaminda mester risibí kliente pa asina ei mas pronto posibel e situashon bai bèk
na normalidat.
Kuerpo Polisial ta gradisí pa e komprenshon i ta sigui hasi su esfuerso pa sigui duna servisio
na komunidat den un ambiente mas komfortabel posibel.
