“NOS COMPROMISO TA PA SIGUI TRAHA CU TUR NOS FORSA, PA PROGRESO Y BIENESTAR DI CADA CUIDADANO DI PAIS ARUBA”

 

Prome Minister Evelyn Wever-Croes:

 

 

 

Prome Minister durante clausura di su discurso den Parlamento:

“NOS COMPROMISO TA PA SIGUI TRAHA CU TUR NOS FORSA, PA PROGRESO Y BIENESTAR DI CADA CUIDADANO DI PAIS ARUBA”

ORANJESTAD – Na clausura di e reunion den Parlamento, Prome Minister Evelyn Wever-Croes a duna su discurso final elaborando riba e situacion actual di pais Aruba. El a splica cu apesar cu tin hopi division den pueblo, y den Parlamento, pa loke ta e negosacionnan cu Hulanda, Gobierno lo sigui na mesa, mescos cu a haci semper, teniendo na cuenta locual cu Parlamento ta indica. Tin un apertura na mesa, y Gobierno lo probecha di esaki cu un actitud di optimismo, fe y determinacion, cu e vision pa trece bienestar pa henter e comunidad di Aruba.

 

Prome Minister a indica cu Aruba ta den pleno recuperacion. Ambos, economia y turismo a yega nivelnan di prome cu pandemia. Desempleo y inflacion a conoce un bahada drastico, haciendo asina cu Aruba ta un pais mas sigur. “Nos por mira e progreso y bienestar, aunke cu ainda nos no a yega na unda nos lo mester yega. Tin hopi cuidadano ainda cu no ta experienciando e progreso y bienestar aki, y pesey Gobierno ta comprometi cu cada cuidadano di e pais aki, pa sigui traha cu tur forsa pa asina nan tambe por goza di e bienestar y progreso aki, sin laga niun hende atras” Prome Minister a expresa.