Relashoná ku e kaso di pèrmit di konstrukshon di e empresa Hype Events Planner, suskrito komo miembro di Konseho Insular ta hasi e siguiente petishon.

Na: Kolegio Ehekutivo di Entidat Públiko Boneiru
Atn. sr. Gezaghèber, sr. R. Oleana
Kralendijk
Bonaire
Apresiabel Kolegio,
Relashoná ku e kaso di pèrmit di konstrukshon di e empresa
Hype Events Planner, suskrito komo miembro di Konseho Insular
ta hasi e siguiente petishon.
Den un karta fechá 5 di sèptèmber 2023 gezaghèber a informá
Konseho Insular ku e kompania Hype Events Planner no ta
disponé di un pèrmit di konstrukshon, pero si un pèrmit di
evenemento.
Pa kita tur konfushon, suskrito ke disponé di henter e dosié tokante e kaso spesífiko di e pèrmit di konstrukshon i e proseso ku
esaki a kana. Mi petishon pues ta enserá tur dokumentashon relashoná ku e petishon, esta for di e promé petishon te ku na e
karta di rechaso di e petishon kumpliendo e trayekto kompleto.
Pues mi ta spera di risibí tur korespondensia, inkluso e konsehonan (negativo) interno ku a kondusí na e rechaso di e petishon.
Tambe mi ta deseá di risibí e siguiente dokumentunan:
a. E pèrmit di evenemento ku a tuma lugá aparentemente
den un konstrukshon sin pèrmit.
b. E último “mandateringsbesluit” i e “mandateringsmatrix” na
T&H i na R&O.
c. Tur BC-besluiten relashoná ku e dosié di Hype Events
Planner.
E echo ku awor a sali na kla ku e kompania no tabatin pèrmit pa
konstruí un “party tent” na e sitio konserní i ku e diputado en
kestion tabata na altura di esaki òf por lo ménos por a pone su
mes na altura di esaki (e mes ta responsabel pa tantu R&O komo
T&H), ta hasi e kaso aki sumamente serio. Komo miembro di Kolegio Ehekutivo e diputado mester tabata na altura di tur e konsehonan negativo rondó di e petishon.
Por lo mui ménos e por a (laga) informá su mes for di momento
ku e kaso aki a drenta den publisidat.
Ademas ku e konosementu aki e diputado en kestion a aktua
iresponsabel sabiendo ku ta kastigabel pa konstruí sin e pèrmitnan nesesario.
Tambe polítikamente ta un piká mortal pa un diputado den un
reunion plenario públikamente engañá, a lo ménos malinformá
intenshonalmente henter Konseho Insular i kuné henter
komunidat boneriano.
Finalmente mi tin entendí ku e evenementonan ta sigui tuma
lugá den e konstrukshon ilegal. Pues ta perseverá den ilegalidat
sin aktua.
Pues mi ta en espera pa mas pronto posibel i “en todo caso” mas
tardá djamars 12-09-2023 12.00or di merdia, mi risibí tur e
dokumentashonnan pidí mirando e seriedat di e tema aki.
Atentamente,
Désirée Coffie
Miembro di Konseho Insula