KONTINUASHON PARTIDONAN KU A KEDA KANSELÁ!

KONTINUASHON PARTIDONAN KU A KEDA KANSELÁ!

 

 

Ayera ‘nochi Direktiva di FFK a komuniká ku lamentablemente e partido final di Liga MCB Segundo Divishon 21-22 a keda kanselá. Konsekuentemente e apertura di Kampionato FFK Promé Divishon 22-23 ku mester a tuma lugá awe ‘tardi tambe a keda kanselá.

Esaki debí na algun protesta ku a keda entregá ku mester a keda atendé promé ku e partido final i esun inougural tuma lugá.

 

E protestanan ku a keda entregá ta lo siguiente;

 

Protesta di parti di Hubentud Fortuna dia 28 di sèptèmber 2023 den kual e ekipo ta alegá ku e ekipo di Atletiko Salinja tabata tin dos hungadónan ilegal. Un di e hungadónan aki tabata ilegal pa motibu di akumulashon di karchi hel i e otro hungadó lo ta parti di otro ekipo ya komo ela transferí resientemente.

 

Riba djabièrnè 29 di sèptèmber 2023 e ekipo di Atletiko Salinja a entregá un protesta den kual ta alegá ku Hubentud Fortuna a hasi uso di un hungadó di kual su karnèt  ta ilegal.

 

Durante investigashon di komishon disiplinairo a sali afó ku ámbos ekipo a hasi uso di hungadónan ilegal. Esaki ta e kaso di e hungadó di Atletiko Salinja ku tabata tin akumulashon di karchi hel i tambe den e kaso di hungadó di Hubentud Fortuna su status ta ilegal.

 

Segun artikulo 24 di RCW 2° divishon e wega di 27 di sèptèmber 2023 mester wòrdu hungá di nobo sea riba djasabra 30 di sèptèmber 2023 òf otro riba un otro fecha mas lihé posibel i despues e final di e buèlta di 3. Adishonal, ámbos ekipo lo mester paga un but di Fl. 300,-.

E partido aki lo tuma lugá djamars 3 di òktober 2023 pa 8’or di anochi den Stadion Rignaal ‘Jean’ Francisca. Miéntras e gran final lo tuma lugá 6 di òktober 2023 den Stadion Rignaal ‘Jean’ Francisca pa 8’or di anochi tambe.

 

Reprogramashon di Kampionato 2022-2023

 

FFK ta informá ku tur e skemanan di kampionato ku a keda mandá, lo wòrdu adaptá i manda di nobo durante siman.  E partido inougural di Jong Holland vs Jong Colombia ku tabata pa tuma lugá awe, lo tuma lugá dia 8 di òktober 2023 pa 6’or di atardi den Stadion Ergilio Hato. Konsekuentemente e siguiente partidonan lo tuma lugá den e siman siguiente i pa dilanti.

FFK ta pidi diskulpa pa kualke inkonveniensia ku esaki por a trese i ta spera di por topa tur fanátiko di futbòl bèk den stadion próksimamente.

1 òktober 2023