Pronóstiko di tempu pa Kòrsou i bisindario bálido te djaweps mainta 06:00 o.l., 5 di òktober 2023.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 5 di òktober 2023.
Kompilá: djárason 4 di òktober 2023, 05:00 o.l. (09:00 UTC).

Tempu: Parsialmente te hopi nublá ku algun áwaseru lokal i tambe tin chèns pa welek i bos.

Temperatura máksimo lo alkansá 33ºC i temperatura mínimo 26ºC.
Solo ta sali 06:25 i ta baha 18:24 o.l.

Bientu: Variá den direkshon i suak te moderá; forsa 2 te 3 (7 te 19 km/ora, 4 te 10 nudo). Promé òf durante áwaseru, ráfaga moderá; forsa 4 ( 20 te 30 km/ora, 11 te 16 nudo).

Situashon general: Un ambiente atmosfériko instabil i húmedo den nos área lo sigui sòru pa desaroyo di nubianan signifikante den nos region durante di próksimo 24 ora. Algun di e nubianan aki lo generá áwaseru riba parti nan di Kòrsou i rondó di e isla i no ta ekskluí e chèns pa welek i bos. Mas aleu, ta antisipá ku e fluho bientu ta keda suak i un kondishon di laman generalmente trankil. Sinembargo durante áwaseru, esaki por trese un oumento di bientu temporal.

Kondishon di laman: Generalmente trankil ku altura di olanan ménos di 1 meter (3 pia). Durante áwaseru mas fuerte, esaki por bira lokalmente un poko mas brutu.

Sistemanan signifikante di wer tropikal: Tormenta tropikal Philippe ta situá nort di Puerto Rico i ta moviendo den direkshon nortwèst riba Oséano Atlántiko. E siklon no ta un menasa pa Kòrsou.

Fenómeno spesial: Ningun.

Perspektiva te djabièrnè mainta: Parsialmente nublá ku chèns pa un áwaseru lokal.

Meteorólogo: Vrutaal.