Djamars dia 10 di òktober:

Selebrashon Dia di Pais Kòrsou

na Renaissance Mall & Rif Fort

 

WILLEMSTAD: Kòrsou lo ta den pleno selebrashon djamars awor, Dia di Pais. Renaissance Mall & Rif Fort no ta un eksepshon; a prepará un dia kontentu pa tur bishitante kuminsando for di 9’or di mainta.  Lo presentá un variashon di stènt ku artesania lokal. Nos artistanan lo ta paréntesis di e dia aki i lo kombiná esaki ku un show di baile folklóriko di grupo Futuro i Memoria di Kòrsou. Lo habri mainta for di 9’or ku músika di Dj Woodz na e ‘Rif Fort Stage’, pa despues kuminsá ku diferente aktividat pa henter famia. Lo tin pintamentu di kara, bouncers i e trein tan gustá pa nos muchanan. Tambe lo tin diferente weganan rekreativo i edukativo pa tur mucha ku lo kompañá nan mayornan. Riba e dia aki, lo tin un tayer di Crea Hair Wrap.

 

Un dia kontentu i yen di músika

Riba esenario den Rif Fort lo tin músika henter dia. Pa 9’or di mainta Dj Woodz, pa 11’or di mainta baile folklóriko, pa 12’or di mèrdia Hóben na Timon, pa 2’or di mèrdia Sablika i pa 3’or di mèrdia RuBeba. Lo tin ambiente di baile i músika te den oranan lat di atardi. Renaissance Mall & Rif Fort tin un variedat grandi di establesimentu renombrá i restorantnan di kalidat, pues ta un eksperensia di kompra total! Ta invitá komunidat pa selebrá 10 di òktober na Renaissance Mall & Rif Fort.