KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Trapi Dòmi Abou i Ser’i Dòmi a haña un face-lift

Trapi Dòmi Abou i Ser’i Dòmi a haña un face-lift

 

Den koperashon ku CTB e komishonnan di bario di Dòmi Abou i Seri Dòmi a uni pa duna nos famoso trapi un face-lift.

 

E trapi aki ta un ikono pa e dos barionan, tantu abitante komo bishitante di e barionan ta hasi uso frekuente di e trapi. Diferente generashon di abitantenan a usa e trapi aki.  Durante temporada di Karnaval e trapi aki ta sirbi komo konekshon pa hopi hende pa yega Roodeweg. Pa e motibu aki e komishonnan di e dos barionan, kada tantu tempu ta duna atenshon na e trapi, dor di limpia esaki i kita e matanan ku ta krese.

 

Despues di 10 aña, huntu ku CTB a disidí pa bolbe duna e trapi su multi-kolonan. Ku man di obra di hóbennan di bario mes, a tuma 2 wikènt pa fèrf e trapi. Tambe a traha algun banki pa esnan ku ta usa e trapi, por sinta i sosegá. E siguiente fase lo tá, pone bòrchinan ku informashon tokante e barionan i e trapi.Na momento ku e proyekto ta kompletamente finalisá lo hasi una akto di seremonia ofisial pa re-aperturá di e trapi.

 

Asina ta ku ainda tin trabou pa hasi, pero e komishonnan di bario di Dòmi, kier kompartí esaki i demostrá e forsa di bario. E entorno di nos bario ta parti esensial di desaroyo di nos abitante i esaki ta importante pa nos. Ku un granito chikí, kada bario por ta un pèrla. Tantu komishon di Domi i Seri Domi ta gradisí CTB i AVF pa nan koperashon kontinuo.

 

Leave a Reply

This site uses Akismet to reduce spam. Learn how your comment data is processed.