Centrale Bank van Curaçao en Sint Maarten ta anunsiá emishon di un bono na nòmber di Gobièrnu di Pais Sint Maarten

WILLEMSTAD/PHILIPSBURG – Djabièrnè 10 di novèmber 2023, lo emití un bono na nòmber di Pais
Sint Maarten. E bono akí lo tin e siguiente karakterístikanan:
• Bono di NAf 60.854.000,– ku un plaso di 20 aña. E tasa di interes lo ta basá riba e kurva di rendimentu hulandes dia 2 di novèmber 2023. Dia 19 di òktober, fiansa ku plaso di 20 aña tabatin un rendimentu di 3.418%. Lo amortisá e bono anualmente, kuminsando dia 10 di desèmber 2023.
Djaweps 2 di novèmber 2023, Agentschap van de Generale Thesaurie (DSTA) lo tin posibilidat di suskribí. Despues, te ku djabièrnè 3 di novèmber 2023, 10.00 di mainta, públiko en general lo por suskribí pa e bono akí na tur banko komersial na Kòrsou i Sint Maarten. E suskripshon lo tuma lugá segun e asina yamá sistema di tender (destaho). Esei ta enserá ku esnan interesá mester indiká pa ki suma i na ki preis nan ta deseá di partisipá na e emishon, indikando asina ki rendimentu nan ta interesá
di risibí.
Despues ku e suskripshon sera, Centrale Bank van Curaçao en Sint Maarten lo duna di konosé e preis ku lo konta pa e emishon. E partidonan ku a suskribí pa un preis mas haltu ku e preis di emishon lo risibí asignashon kompleto. E partidonan ku a suskribí pa un preis igual na e preis di emishon lo risibí asignashon di sobrá di e montante emití.
Formulario di suskripshon ta disponibel riba nos wèpsait:
https://www.centralbank.cw/functions/market-operations-payments/government-loans-sint.maarten.
Willemstad, 23 di òktober 2023
CENTRALE BANK VAN CURAÇAO EN SINT MAARTEN