KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

12 KLIENTE DI PRIZÒN DI ABLA SPAÑÓ A RISIBÍ SERTIFIKADO DI KURSO BÁSIKO DI PAPIAMENTU

MINISTERIO KONSERNÍ HUSTISIA

 

12 KLIENTE DI PRIZÒN DI ABLA SPAÑÓ A RISIBÍ SERTIFIKADO DI KURSO BÁSIKO DI PAPIAMENTU

PUBLIKÁ RIBA 09 NOVÈMBER 2023

WILLEMSTAD – Resientemente 12 kliente di prizòn abla spañó (Latino) a terminá nan kurso di papiamentu ku eksito. E kurso aki tabata bou di kordinashon di departamento di Edukashon Formashon i Praktika (OVT) i sra. Jimenez komo dosente di papiamentu.

E kurso di ortografia di papiamentu tabata tin un durashon di 3 luna, ku ta enserá e parti teorétiko i tambe un parti práktiko i ta bin terminá ku un prueba. Loke e 12 klientenan a risibí komo materia tabata: pronunsiashon, abilidat pa lesa, abilidat pa skirbi, abilidat pa skucha, abilidat pa konta kiko a lesa, gramátika kortiku i kompleta frase i tradusí frase.

E 12 klientenan di abla spañó tabata sumamente kontentu, ku e oportunidat ku nan a haña pa risibí e kurso akí. Gerensia di SDKK, ta gradisí Ministerio di Hustisia i Fondo di Kriminidat ku a pone fondonan disponibel pa e kurso akí.

639114718427035"
639114718427035"