Tres detenshon relashoná ku kiebro i ladronisia
KOMUNIKADO DI PRENSA 552/2023
23 novèmber 2023
Tres detenshon relashoná ku kiebro i ladronisia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku varios kaso di kiebro i ladronisia na diferente negoshi ku a tuma lugá den luna
di mart 2023, e tim ku ta enkargá ku investigashon di ladronsisia i kiebro a realisá tres
detenshon.
Djaweps 23 novèmber 2023, alrededor di 05.20’or e Tim di Atrako a hasi detenshon na
Arikaraweg di e hòmber sospechoso L.L.M., di 29 aña di edat nasé na Kòrsou.
Alrededor di 05.30’or e Tim di Atrako a hasi e di dos detenshon den Kaya Nubia di e dama
sospechoso S.R.M., di 27 aña di edat nasé na Kòrsou.
Alrededor di 06.00’or e Tim di Atrako a hasi e di tres detenshon na The Bottomweg di e
hòmber sospechoso E.R.F.E., di 41 aña di edat nasé na Kòrsou.
A tene entrada hudisial na e tres adrèsnan na unda e detenshonnan a tuma lugá i despues a
tene entradanan hudisial na kuater diferente adrès mas.
Ta trata di:
Bivak;
Kaya Altostratus;
Jumentoweg;
Carriacoaweg.
Durante e entradanan hudisial a haña i a konfiská artíkulonan di importansia pa e
investigashon.
A presentá e trio sospechoso dilanti di un fiskal ouksiliar ku a ordená nan enkarselamentu
pendiente di mas investigashon.

