Tur kos ta kla pa Festival di Tumba Hubenil 2024.

Willemstad: Despues di un periodo éksitoso di preparashon tantu di e partisipantenan komo organisatorio, Nos Karnaval i Boldstarz ta kla pa presentá Kòrsou un espektakulo mahestuoso djasabra 13 di janüari 2024 den Curaçao Festival Center. Na final di e anochi pueblo di Kòrsou i espesialmente nos mucha i hóbennan karnavalista lo sera konosí ku rei òf reina di Tumba Hubenil 2024.
Meskos ku añanan anterior komishon di THK a sòru di hinka un tremendo show den otro. E aña aki e tema ku a keda skohé ta ‘Aventura Maritimo’, pues e festival kompleto lo ta den e esfera maritimo ku lo kulminá ku un tremendo espektakulo na momento ku
lo bai anunsiá e ganadó di tumba hubenil 2024.
E 12 tumberonan ku lo kompetí den festival di Tumba Hubenil 2024 ta: 1. T’Kayley Polonius, 2. Angelly Virginia, 3. Nedion Sluis, 4. Angely Francisco, 5. Shadee Jamanika, 6. Luichayden Jansen, 7. Aaliyah Lourens, 8. Railipo Martina,
9. Tiarah Martina Giterson, 10. Jozefer Obispo, 11. Jean-Max Rondei i 12. Xyandro Anthony.
Portanan di Curaçao Festival Center lo habri for di 15.30 pa asina 16.00 e promé tumba zona riba esenario kompañá pa nos Tumba Hubenil Orchestra. Karchinan ta optenibel serka tur 12 partisipante i tambe na puntonan di benta Mensings Caminada i 24uur uit te
muur. Pueblo di Kòrsou ta keda kordialmente invitá pa bin sostené e 12 kayonnan ku ta den kontienda pa bira e embahadó nobo ku lo guiá karnaval hubenil 2024 ku su tumba ganadó.
Si bo ta deseá pa kubri e evento aki komo miembro di Prensa, porfabor tuma kontakto ku sra. Suparmy Goeloe na number di telefòn +5999 525 7522.
For di aki Nos Karnaval i Boldstarz kier gradisí tur persona, instansia i prensa ku ta hasi lo hasi nos Festival di Tumba Hubenil grandi i éksitoso un biaha mas