KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Promé Minister sr. Gilmar Pisas a risibí e minister di ASUNTUNAN DI EKSTERIOR di Repúblika di sürnam

 

 

Willemstad – Promé Minister sr. Gilmar Pisas a risibí e Minister di Asuntunan di Eksterior di Repúblika di Sürnam sr. Albert Ramdin dia 22 di yanüari 2024.

 

E bishita aki tabata unu di kortesia kaminda a hasi uso pa deliberá tambe riba diferente punto di interes komun entre Sürnam i Kòrsou.

Puntonan ku a keda atendé ta manera entre otro e MoU ku a firma entre Sürnam i Kòrsou pa ku e koperashon den área di komersio.

 

Esaki ta enserá entre otro e temanan di dòbel impuesto, transportashon di komestibel, konsumo i produktonan entre Repúblika di Sürnam i Kòrsou.

A toka e tema tambe di miembresia asosia na Caricom door di Kòrsou y e siguiente elekshon na Repúblika di Sürnam i na Kòrsou, ambos den 2025.

 

Minister sr. Ramdin a informá Promé Minister sr. Pisas ku su delegashon tabata konsistí di 8 kompania ku a mustra interes pa hasi negoshi ku Kòrsou.

Tambe Minister sr. Ramdin a elogiá Promé Minister pa ku su intervenshon pa ku e buelo ku a keda realisá entre Repúblika di Sürnam i Miami via di Kòrsou.

 

Sr. Ramdin a informá Promé Minister tambe ku Presidente di Repúblika di Sürnam sr. Chan Santokhi tin intenshon pa bishitá Kòrsou e aña aki.

 

E reunion a kana den un hopi bon esfera.

 

639114718427035"
639114718427035"